بلوچ یکجھتی کمیٹی ءَ گوشتگ ارشاد بلوچ ء مھمد یونس کہ آئی ءِ اُمر 17 سال انت ءُ آ ایف ایس سی ءِ نودربرے بیتگ کہ آ کراچی ءِ دمگ لاسی گوٹھ ملیر ءِ جھمنند انت۔ 29اگست 2026 ءَ ارشاد بلوچ پولیس ءُ انٹیلی جنس ادارہانی دست ءَ چہ وتی گس ءَ پہ زور بیگواہ کنگ بوتگ۔
سِی اگست 2026 ءَ آئی ءِ زورانسر ءَ بیگواہ کنگ ءَ چہ بس یک روچے ءَ پد آئی ءِ کھول ءَ آئی ءِ لاش کراچی ءِ جناح ہسپتال ءَ رس اتگ۔ آہاں ھال داتگ کہ ارشاد چہ کرنٹ ءِ لگگ ءَ بیران بوتگ۔ چوناھا ارشاد اے وھد ءَ پولیس ءِ بندیگ جاہ ءَ بوتگ ءُ آئی ءِ بیرانی ءَ چہ آئی ءِ ھلاپ ءَ لٹ ءُ کٹ، زندان ءِ زورانسری ءُ الیکٹرک شاک ءِ کارمرد کنگ ءِ بابت ءَ مزنیں جیڑھے ودی کنگ بوتگ۔ آئی ءِ بیرانی ءِ ھاتر ءَ آزاتیں پٹ ءُ پول کنگ بہ بیت۔
آئی ءَ گوشتگ ارشاد ءِ مات ءُ پت کہ نادراھجاہ ءَ سر بوتگ اَنت ءُ وتی چُک ءِ لاش اش دیستگ گڑا آ چہ ھبکہ ءُ ھیرانی ءَ گلگڑگ اش بندات کتگ۔ چہ واکداراں جُست اِش کُتگ مئے چُک پرچا پہ زور بیگواہ کنگ بیتگ؟ مئے چُک پرچا زندان ءَ بیران بوتگ؟ آئی ءِ گمانی جرم چے بوتگ؟ بلے ھچ وڑیں پسو نہ رس اتگ۔
یکجھتی کمیٹی ءَ گوشتگ ھچ کھول چوشین دردناکیں وئیلاں اوپار کت نہ کنت، زندگی ءِ ھک، پہ وتی وتواکی ءَ زورانسری بیگواہ کنگ، پھریزدارانی زنداناں وتی زندگی ءَ زبھر بوگ ءُ اَچ انسانی ھکانی لگتمالی ءَ بے سیمسریں کچوے ءِ نشانی انت-
بی وائی سی چہ انسانی ھکانی گل ءُ میان استمانی انسانی ھکانی برادری ءَ لوٹ کتگ کہ اے کیس ءُ بلوچ راج ءِ سر ءَ برجاھیں انسانی ھکانی لگتمالی ءِ سر ءَ دلگوشی بہ کن اَنت۔