بی ایل اے ءَ ولی تنگی ءُ اسپین کاریز ءِ اُرشانی تامر شنگ کتگ

بلوچ لبریشن آرمی ءَ وتی آفیشل چینل “ھکل” ءَ 12 منٹ ءُ55 سیکنڈانی تامر شنگ کتگ-

ھکل ءِ رد ءَ 31 جولائی 2026 ءَ بی ایل اے ءِ جنگولاں یک ھترناک ءُ گچینی کاروائی ءِ وھد ءَ پاکستانی پوج ءِ دو بنجل نشانگ کتگ انت – اے کاروائی شال کینٹونمنٹ ءَ کساس دہ کلو میٹر ءِ دوری ءَ ولی تنگی ءُ اسپین کاریز ءَ کنگ بیتگ-

تامر ءَ گندگ بیت انت کہ بی ایل اے ءِ سرمچار شوربندی ءَ ھاک ءَ جوڑ کتگیں یک نکشھے ءَ سرپدی دیگ ءَ انت-

نوکتریں سلاھاں گوں بندوکیں سرمچار نشانگ ءِ جاہ ءَ روگ ءَ گندگ بنت ءُبنجل ءَ راکٹ لانچراں گوں نشانگ کن انت-

تامر ءَ گندگ بیت انت کہ بلوچ لبریشن آرمی ءِ جنگول جاہ ءَ سر بنت ءُ بنجل ءَ دستیگ کن انت ءُ پوجی کارندھاں نشانگ کن انت ءُ دگہ ساز ءُ ساماناں ماندار انت ءُ دستیگ کن انت-

تامر ءَ پوجی کارندھانی لاش گندگ بنت ءُ سرمچار بازیں کچے ءَ سلاہ ءُ دگہ ساماناں گون وت بر انت-