بلوچستان ءِ جتاجتائیں دمگاں بُنجاھی شھدگانی سر ءَ ناکہ بندی پُھل پروشگ ءُ گاڑی یے مانداشتگ

بلوچستان ءِ جتاجتائیں دمگ نوشکی ءُ وڈھ ءَ سلاہ بندیں مردماں ناکہ بندی، ایکسی ویٹر ءَ سر ءَ پُھل پروشتگ ءُ یک گاڑی یے ماندارگ بیتگ-

گیشیں ھالانی رِد ءَ سلاہ بندیں مردماں کراچی بُنجاھی شھدگ سر ءَ ناکہ بندی برجاہ داشتگ، چریشی ءِ آسر ءَ گاڑیانی روگ آیگ مھتل بیتگ-

ھمے ھند سر ءَ یک ایکسی ویٹر ءَ چہ یک پُھل پروشتگ، چریشی ءِ آسر ءَ دمگ ھواریں دگ سانمند بیگ ءِ تُرس ودی بیتگ-

وھدے وڈھ راجی شھدگ سنگری بروتیاں ءَ پُھل ءِ ھند ءِ سر ءَ ناکہ بندی ءِ میان ءَ پاکستانی پوج ءُ سلاہ بندانی میان ءَ تُرندیں میڑ ءِ ھال اِنت-

ھمے وڑ نوشکی ءَ کچکی ءِ ھند سر ءَ سلاہ بندیں مردماں شال تفتان ءِ بُنجاھی شھدگ سر ءَ یک کنٹینر گاڑی مانداشتگ ءُ تباہ کتگ-

زانگ بہ بیت بلوچستان ءَ یکشل ءَ پاکستانی پوج ءُ مڈی بروکیں گاڑی ءُ لُٹ ءُ پُٹ کنوکیں شرکتانی سر ءَ اُرش یکشل ءَ برجاہ ءَ اِنت-

بلے اے وئیلانی زمہ واری انگت ھچ گل ءَ نہ زرتگ-