مروچی فیفا ورلڈ کپ 2026 ءِ راؤنڈ 32 ءَ کنیڈا ءُ ساوتھ افریقہ ، برازیل ءُ چاپان دیم پہ دیم بوتگ انت کہ اولی گوازی ءَ کنیڈا ءَ ساؤتھ افریقہ ءِ دیم ءَ یک گولے ءَ ءُ برازیل ءَ جاپان ءِ دیم 2-1 گولے ءَ گوازی کٹ اتگ ءُ راؤنڈ 16 ءَ رؤگ ءَ سوبمند بوتگ انت ۔
کنیڈا ءُ ساوتھ افریقہ ءِمیان ءَ بوتگیں گوازی ءَ ھردو ٹیمانی لیبیاں جوانیں گوازی پیش داشتگ ۔ گوازی ءِ گڈسر ءَ داں ھردو ٹیم دیمیگ بوتگ انت بلے گیشیں وھدے تہ ءَ کنیڈا ءَموہ چست کتگ ءُ یک گولے داتگ ءُ گوازی کٹ اتگ ۔ گول کنیڈا ءِ لیبی اسٹیفن یوسٹا کیو ءَ گیشیں وھدے تہ ءَ بزاں نود ءُ دومی ملٹ ءَ داتگ ءُ وتی ٹیم راؤنڈ 16 ءَ سر کتگ ۔
راؤنڈ 32 ءِ دومی گوازی جاپان ءُ برازیل ءِ میان ءَ بوتگ کہ اولی ھاپ ءَ جاپان ءِ لیبیاں جوانیں گوازی پیش داشتگ ءُ اولی ھاپ ءِ بیست ءُ نھمی منٹ ءَ جاپان ءِ لیبی کائیشو سانو یک گول ءِ داتگ وھدیکہ برازیل ءِ نیمگ ءَ ھچ گول دیگ نہ بوتگ ۔
دومی ھاپ ءَ برازیل ءِ لیبیاں جوانیں وڈے ءَ جاپان ءِ دیم داشت ءُ 56 می منٹ ءَ برازیل ءِ لیبی کاسیمیرو ءَ گول موک اتگ ءُ ھردو ٹیم برابر بوتگ انت ۔ داں گوازی ءِ گڈسر ءَ ھچ نیمگ ءَ گول دیگ نہ بوتگ بلے گیشیں دھیں منٹانی تہ ءَ برازیل ءَ موہ رستگ ءُ برازیل ءِ لیبی گیبریئل مارٹینیلی ءَ برازیل ءِ نیمگ ءَ باج بری ءِ دومی گول اسکور کتگ ءُ گوازی کٹ اتگ ۔