فیفا ورلڈ کپ 2026 ءِ گوازی برجاہ ، مروچی بوتگیں گوازیانی تہ ءَ انگلینڈ ءَ پانامہ ءِ دیم ءَ دو ، کروشیا ءَ گھانا ءِ دیم ءَ دو پہ یک ، ڈی-آر کانگو ءَ ازبکستان ءِ دیم ءَ سے پہ یک گولے ءَ ءُ ارجنٹینا ءَ جورڈن ءِ دیم سے پہ یک گولے ءَ وتی گوازی کٹ اتگ انت وھدیکہ پرتگال ءُ کومبیا 0-0 ءُ الجیریا ءُ آسٹریا 3-3 گول ءَ دیمیگ بوتگ انت ۔
مروچی بوتگیں گروپ L ءِ اولی گوازی پانامہ ءُ انگلینڈ ءِ میان ءَ بوتگ کہ پانامہ ءِ نیمگ ءَ ھچ گول دیگ نہ بوتگ وھدیکہ انگلینڈ ءِ لیبی جوڈ بیلنگھم — 62 می منٹ ءُ ہیری کین ءَ 67 می منٹ ءَ یک یک گولے داتگ ءُ دو گول ءَ گوازی کٹ اتگ ۔ دومی گوازی کروشیا ءُ گھانا ءِ میان ءَ بوتگ کہ کروشیا ءَ دو پہ یک گولے ءَ گوازی کٹ اتگ ۔
کروشیا ءِ نیمگ ءَ اولی گول پیٹر سوچیچ داتگ کہ پدا 73 می منٹ ءَ گھانا ءِ لیبی ڈیرک لکاسن گول موک اتگ ۔ کروشیا ءِ نیمگ ءَ دومی گول نکولا ولاشیچ داتگ ءُ گوازی کٹ اتگ ۔
مروچیگیں روچ ءَ گروپ کے ءِ بوتگیں گوازی کولمبیا ءُ پرتگال ، ڈیموکریٹک ریپبلک کانگو ءُ ازبکستان ءِ نیمگ ءَ بوتگ انت کہ کولمبیا ءُ پرتگال 0-0 ءَ دیمیگ بوتگ انت وھدیکہ دومی گوازی ءَ کانگو ءَ کانگو ءَ ازبکستان ءِ دیم ءَ 3-1 ءَ گوازی کٹ اتگ ۔
ازبکستان ءِ نیمگ ءَ ایلدور شومورودوف دھمی منٹ ءَ گولے داتگ پدا رند ءَ ھچ لیبیاں گول اسکور کت نہ کتگ ۔ کانگو ءِ نیمگ ءَ دو گول یوان ویسا داتگ ءُ یکے فیسٹون مایلے ءَ ۔
مروچی بوتگیں گروپ j ءِ اولی گوازی الجیریا ءُ آسٹریا ءِ میان ءَ بوتگ کہ ھردو ٹیم 3-3 گول ءَ دیمیگ بوتگ انت ۔ وھدیکہ گروپ جے ءِ دومی گوازی ارجنٹینا ءُ اردن ءِ میان ءَ بوتگ کہ ارجنٹینا ءَ اردن ءِ دیم ءَ سے پہ یک گولے ءَ گوازی کٹ اتگ ۔
اردن ءِ نیمگ ءَ یک گولے کنگ بوتگ کہ آ اردن ءِ لیبی موسیٰ التعمری ءَ داتگ ۔ ارجنٹینا ءِ نیمگ ءَ جیووانی لو سیلسو ، لیونل میسی ،لاوتارو مارٹینیز یک یک گولے داتگ ءُ گوازی کٹ اتگ ۔