بلوچستان ءِ دمگ اورناچ ءُ قلات ءَ چہ بمب تراکاں پاکستانی لشکر ءَ تاوان رس اتگ۔
خضدار ءِ دمگ اورناچ ءَ آر سی ڈی ءِ مزن شھدگ ءِ سر ءَ ناشناسیں مردمانی نیمگ ءَ بمبتراکے ءَ پاکستانی لشکر ءِ گاڑی نشانگ جوڑ کنگ بوتگ۔
گوستگیں روچ ءَ قلات ءِ دمگ چپر ءَ پاکستانی لشکر ھما وھد ءَ تراک ءِ تہ ءَ نشانگ جوڑ کنگ بوتگ کہ آ آپریشن ءِ واستا دمگ ءَ دیم ءَ روگ ءَ بوتگ اَنت۔ دمگی مردمانی رد ءَ اے تراک ءَ چہ لشکر ءَ تاوان رس اتگ۔
تراک ءَ چہ پد دمگ ءَ سلاہ بندیں جنگ ءُ چوپ بوتگ کہ اود ء پاکستانی لشکر ءَ ھوار دو بلوچ آجوئی لوٹوکیں مردم بیران بوگ ءِ ھال اِنت۔
واکداراں انگت ءَ اے وئیلانی بابت ءَ ھچ وڑیں ھال ءُ اھوال شنگ نہ کتگ۔