بلوچستان ءَ مائننگ کمپنی ءِ دگہ سائٹے ءِ سر ءَ اُرش کنگ بیتگ ۔
گوستگیں شپ ءَ شال ءِ ھنا اوڑک ءِ دمگ ءَ تیل ءُ گیس ءِ شوھازگ ءِ کمپنی ءِ جاہ ءِ سر ءَ سلاھبنداں اُرش کتگ ءُ سرجمیں مزنیں مشینری ءُ گاڑی تباہ کتگ اَنت۔
اے وئیل ءِ تہ ءَ ھچ وڑیں جانی تاوان ءِ ھال نیست۔
اے وئیل ھما وھد ءَ بوتگ کہ 24 کلاک پیسر بلوچستان ءِ دمگ چاگی ءَ دریگوان ءَ سھر ءِ درگیجگ ءِ کمپنی نیشنل ریسورس لمیٹڈ ءِ جاہ ءِ سر ءَ سلاھبنداں اُرش کتگ ۔
اے اُرش ءَ چہ کمپنی ءِ 10 مردم بیران بوتگ اَنت کہ آھانی تہ ءَ یک درملکی مردمے ھم ھوار اِنت کہ آھانی تہ ءَ سئے سیکورٹی گارڈ ھم ھوار اَنت۔
گوستگیں شپ ءَ اے مردمانی لاش سول ہسپتال شال ءَ سر کنگ بوتگ انت بلے اھوالکاراں ہسپتال ءِ تہ ءَ روگ ءِ اجازت دیگ نہ بیتگ، پد ءَ اے لاش سی ایم ایچ ءَ برگ بوتگ انت۔
انگت ءَ کس ءَ اے اُرش ءِ زمہ واری نہ زرتگ۔