بلوچستان ءِ دمگ ھُزدار ءَ پاکستانی پوج دگہ یک اُرشے ءَ نشانگ کنگ بیتگ، اُرش ءَ پوج ءَ جانی تاوان چست کنگ کپتگ-
پوج ءِ کاروان ھُزدار ءِ دمگ انجیرہ ءَ سنگر گپتگ ءُ سلاہ بنداں اُرش ءِ نشانگ کتگ چریشی ءِ آسر ءَ پوج ءِ بازیں کارندھے بیران ءُ ٹپی بیتگ اَنت- دمگی اِھوالکار ءِ رِد ءَ وئیل ءَ پد وئیلجاہ ءِ نیمگ ءَ دو ایمبولنسز ءَ روگ ءَ گندگ بیتگ اَنت-
اِھوالکار ءِ رِد ءَ پوج ھما وھد ءَ اُرش ءِ نشانگ کنگ بیتگ وھدے آ چہ سوراب ءَ ھمے دمگ ءَ پیشگامی کنگ ءِ جُھد ءَ بیتگ-
زانگ بہ بیت اشی ءَ ساری سوراب ءَ پوج ءِ کاروان اُرش ءِ نشانگ کنگ بیتگ وھدے کہ سوراب کسٹم پوسٹ سلاہ بندیں مردماں دستیگ کتگ ءُ کارندہ دزگیر کتگ اَنت سلاہ گوں وت برتگ اَنت-
ھمے وڑ ھُزدار ءِ دمگ زھری، بلبل ءَ یک دگہ اُرشے ءَ پاکستانی پوج ءِ ٹرک بمب تراک ءِ نشانگ کتگ-
تنی وھدے بیتگیں اُرشانی زمہ واری ھچ گل ءَ نہ زرتگ اَنت-