بلوچستان ءِ دمگ مستونگ ءِ ھند کلی دتو ءَ پاکستانی لشکر ءِ دست ءَ زورانسری بیگواہ بوتگیں ورنا ءِ سیاد ءُ وارساں شال کراچی ءَ روکیں مزن شھدگ سرجمی ءَ ٹریفک ءِ واستا بند ءُ زھرشانی بندات کتگ۔
دمگی اھوالدار ءِ رد ءَ شمبے ءِ سھب ءِ پنچ بج ءِ نزیک ءَ فرنٹیئر کور ءُ کاؤنٹر ٹیررازم ڈیپارٹمنٹ ءَ عابد حسین ء مھمد زمان چہ آئی ءِ لوگ ءَ دزگیر کتگ ءُ ناشناسیں جاھے ءَ برتگ۔
اے وئیل ءِ پژدر ءَ مستونگ ءَ رحمان ھوٹل ءِ نزیک ءَ شھید غلام علی چوک ءَ لوگ ءِ ءُ دمگی مردماں زھرشانی بندات کتگ ءُ شھدگ بند کتگ۔
زھرشانی کنوک لوٹ کنگ ءَ اَنت کہ عابد حسین ءَ ھوار دراھیں بیگواھیں مردم زوت یل دیگ بہ بنت۔
زھرشانی کنوکاں چہ راج ءَ دزبندی کتگ کہ آ “ریاستی زوراکی” ءِ ھلاپ ءَ وتی توار ءَ چست بہ کن اَنت۔ اے ایوک ءَ عابد حسین ءِ جیڑہ نہ اِنت بلکیں ہمھر یک مردمے ءِ درد اِنت کہ آ زوراکی ءَ بیگواھی ءِ آماچ کنگ بیتگ۔