بلوچستان ءِ بنجاھی شھر شال ءَ پاکستانی پوج ءَ یک لوگے ءِ سر ءَ بیڑ برتگ ءُ دو ورنا دزگیر کنگ ءَ پد بیگواہ کتگ انت-
ھوالانی رد ءَ بیست ءُ چار مئی دوھزار ءُ بیست ءُ پنچ ءِ شپ ءِ کساس دو ءَ کاؤنٹر ٹیررازم ڈیپارٹمنٹ ( سی ٹی ڈی ءَ کلی مینگل آباد ءَ یک لوگے ءِ سر ءَ بیڑ برتگ ءُ اود ءَ مھمد اسھاک ءُ عبدالرزاق دزگیر کتگ ءُ برتگ انگ- ھردوکیں ورنا برات انت کہ ایشانی توک ءَ یکے ڈرائیور ءُ دومی نودربرے-
دومی نیمگ ءَ ھزدار ءَ بلوچ اسٹوڈنٹس آرگنائزیشن بی ایس او ءِ ھزدار ھنکین ءِ سروک ماجد بلوچ آدینگ ءِ شپ ءَ پاکستانی پوج ءَ چہ جند ءِ لوگ ءَ دزگیر کتگ ءُ برتگ پد ءَ ھما انت کہ بیگواہ انت-
ھمے وڑ چہ مستونگ اسپلنجی ءَ بیگواہ کنگ بیتگیں گلام مصطفیٰ قلندرانی ءُ نسار اھمد ءُ چہ درینگڑھ ءَ بابو علی مھمد یل بیتگ ءُ وتی لوگاں سر بیتگ انت-
بلوچستان ءَ یک نیمگے ءَ لس مردم یل بنت دومی نیمگ ءُ دو ھمینچُک بیگواہ کنگ بوگ ءَ انت کہ بلوچستان ءَ ورنایاں یک سنگینے جاورے جوڑ بیتگ-