آپریشن ھیروپ ءِ ھیلکاری- ٹی بی پی شونگال

الم بوانیت

آپریشن ھیروپ ءِ ھیلکاری

ٹی بی پی شونگال

نُھ ءُ دَہ مئی ءَ وھدیکہ دنیا ءِ نگاہ پاکستان ءُ بھارت ءِ گمانی جنگی میڑ ءِ سر ءَ بیتگ انت، ھمے وھد ءَ بلوچستان ءِ جتا جتائیں جاھاں سلاہ بنداں پاکستانی پوج ء سر ءَ پنجاہ ءُ یکجاہ ءَ ھپتاد ءُ یک ءَ گیش اُرش کتگ- اے اُرشانی آسر ءَ پاکستانی پوج، گچینی پنجگور ءَ، بازیں کچے ءَ جانی تاوانانی چِست کنگے کپتگ- بلوچ لبریشن آرمی( بی ایل اے) ءَ اے اُرشانی زمہ واری من اتگ ءُ آیاں آپریشن “ ھیروپ” ءِ چن ءُ لانچانی درچ ءَ لشکری ھیلکاری ءِ بھر نامینتگ-

بی ایل اے ءِ اے مھکم ءُ ھترناکیں اُرشانی وھد ءَ گچینی شھدگانی سر ءَ بازیں اداراں داں کنٹرول بیتگ- پاکستانی پوج ءِ کاروانانی نشانگ کنگ، مڈی بروکیں ٹرک ماندارگ بیتگ انت، فرنٹیئر کور ءِ چوکیانی سر ءَ ترندیں اُرش کنگ بیتگ ات، ءُ بازیں جاھاں پولیس ءِ تھانھانی دستیگ کنگ ءُ اود ءَ ھستیں سلاہ برگ بیتگ انت-

لھتے سالانی توک ءَ بلوچ سلاہ بندیں گل روایتی بزانکہ لس گوریلاھی ءَ درکپتگ ءُ جنگِ آجوئی ءَ ترند ءُ گچینی رنگ ءَ مَٹی اش کتگ- گچینی بلوچ لبریشن آرمی ءِ جوانیں کاروائی،نوکتریں گامگیجاں ءُ گیش بوھوکیں آپریشنلیں زوراں اے پدر بیت انت کہ اے گل آیوکیں جنگانی واستا مھکمیں رنگے ءِ امل ءَ گوزگ ءَ انت-

سرجمیں بلوچستان بی ایل اے ءِ مھکم ، ھترناک ءُ ترسناکیں اُرشانی درچ ءِ اے لشکری زور ءِ منانک انت، کہ پاکستانی پوج ءُ بلوچستان ءَ میان اُستمانی واپارکاریں ادارھانی واستا ترس ءِ سبب بیت انت- اے اُرشانی آسر ءِ گشینگ مشکل نہ انت کہ آیوکیں وھدانی نزیک ءَ اے درچ برجاہ بیت انت بلکیں اے اُرشاں ترندی ءِ آیگ ءِ ممکنی ھست انت-

دمگ ءِ مٹ بوتگین جاورھالانی چار ءُ ٹپاس ءَ بی ایل اے ءَ بلوچستان ءَ یک پیسلہ داریں باسکے ءِ کرد ءِ جوڑینگ ءِ چن ءُ لانچ ءَ انت، ءُ آیوکیں وھداں ندارگ وت یک بنجاھی تاکتے ءِ رنگ ءَ منارینگ ءِ واستا پرکاری یے-

نوکتریں