بلوچستان ءِ دمگ پسنی، تربت ءُ منگچر ءَ پاکستابی پوج ءَ دگہ سَے مردم آوار جنگ ءَ پد بیگواہ کتگ انت-
گیشین اھوالانی رد ءَ گوادر ءِ دمگ پسنی ءَ ہاکستانی پوج سی ٹی ڈی ءِ کارندھاں یک لوگے ءِ سر ءَ بیڑ برتگ ءُ اود ءَ یک ورنایے آوار جنگ ءَ پد بیگواہ کتگ-
بیگواہ بیتگیب ورنا ءِ پجار شوکت ء سخی بخش ءِ نام ءَ زانگ بیتگ کہ آ پسنی ءِ ھند ببر شور ءِ جھمنند انت-
دمگی مردمانی رد ءَ شوکت چاردہ اپریل ءِ شپ ءَ دزگیر کنگ ءَ پد بیگواہ کنگ بیتگ-
ھمے وڑ منگچر ءِ جھمنند ماہ دیم بلوچ ءَ گوشتگ منی برات سلال ء ڈاکٹر نصیر مروچی پاکستانی پوج ءِ کارندھاں کھول ءِ دیم ءَ آوار جتگ ءُ مارا دردانی کوہ سر ءَ پروشتگ-
آئی ءَ گوشتگ ریاستی کارندھانی سلکاریاں بہ چار ات کہ تچک ءَ کھولانی سر ءَ اُرشکار انت منی برات سیکنڈ ائیر ءِ نودربرے کہ بیگواہ کنگ بیتگ-
چہ کیچ ءَ اھوال انت کہ تربت ءِ دمگ جوسک ءَ مروچی پانزدہ اپریل دوھزار ءُ بیست ءُ پنچ ءَ شیر خان نزر پاکستانی پوج ءُ دزگیر کتگ ءُ گون وت برتگ-