بلوچستان ءِ جتاجتائیں دمگاں راھانی بند ءُ پاکستانی پوج سر ءَ اُرش ءُ مڈی بروکانی گاڑیانی سر ءَ اُرش

بلوچستان ءِ دمگ ڈیرہ مراد جمالی ءُ سبی ءُ مستونگ راہ بندگ، مڈی بروک ٹرکانی سر ءَ اُرش-

گیشیں ھالانی رِد ءَ ڈیرہ مراد جمالی ءَ سلاہ بندیں مردماں بازیں کلاکاں چہ راہ بستگ- ھمے ھند سر ءَ مڈی بروکیں گاڑی ھم اُرش ءِ نشانگ کتگ اَنت-

اِھوالکار رِد ءَ اے میان ءَ پاکستانی پوج ھم نشانگ کنگ بیتگ بلے تاوانانی درگت ءَ واکدار درشان شنگ نہ بیتگ-

دومی نیمگ ءَ چہ سبی ءَ ھال اِنت کہ کرمو وڈ ھند سر ءَ سلاہ بندیں مردماں پاکستانی پوج اُرش ءِ نشانگ کتگ-

ھمے وڑ مستونگ ژلی ءُ بلوچستان ھوٹل ھند سر ءَ سلاہ بندیں مردمانی مزنیں کچے ءَ راہ بستگ پٹ ءُ پول کنگ ءَ اَنت-

بولان ءِ جتاجتائیں ھندانی سر ءَ شال سبی شھدگ سر ءَ سلاہ بندیں مردماں بستگ ءُ گاڑیاں پٹ ءُ پول کنگ ءَ اَنت-

ھمے وڑ کیچ ءِ دمگ سامی ءَ پاکستانی پوج ءِ بُنجاھی بُنجل سلاہ بنداں اُرش ءِ نشانگ کتگ، بازیں تراکانی ھمراھی ءَ تُرندیں تیرگواری توار اش کنگ بیتگ-

زانگ بہ بیت کیچ ءِ بازیں دمگاں سلاہ بندیں مردمانی دستیگ اِنت-