زورانسری بیگواھیانی ھلاپ ءَ گوستگیں روچ ءَ مزن دگ ءَ زھرشانی بیتگ ۔
بلوچستان ءِ تھسیل زھری ءَ زورانسری بیگواھی ءِ آماچ کنگ بیتگیں جھانزیب زھری گوستگیں شپ ءَ یل کنگ بیتگ ءُ وتی لوگ ءَ سر بیتگ ٬ چریشی ءَ پد آئی ءِ یل نہ کنگ ءِ ھلاپ ءَ شال ءُ کراچی ءِ شھدگ ءَ برجمیں زھرشانی ھلاس کنگ بیتگ ءُ دگ پچ کنگ بیتگ-
جھانزیب زھری ءِ لوگ ءِ مردمانی نیمگ ءَ چہ گوستگیں روچ ءَ سوراب ءِ زیرو پوائنٹ ءِ جاہ ءَ زھر شانی کتگ ءُ شال کراچی ءِ بنجاھی مزن دگ روانی ءِ واستا بند کتگ-
جھانزیب زھری پاکستان ءِ پوج ءِ دستاں زورانسری بیگواھی ءُ یل نہ کنگ ءِ ھلاپ ءَ زھری بازار ءَ ھم زھرشانی ءَ سرجم ءَ بند بیتگ ٬ چریشی ءَ جھانزیب گوستگیں شپ ءَ یل بیتگ ءُ وتی لوگ ءَ سر بیتگ-
آئی ءِ بیگ ءِ ھال کھول ءَ راست کتگ-