کراچی ءَ یک ٹیکسٹائل ملے ءَ تیرگواری ءَ چین ءِ دو شھری زدگ بیتگ اَنت-
کراچی پولیس ءِ رد ءَ تیرگواری ءِ وئیل سائٹ انڈسٹریل ایریا ءَ یل ٹیکسٹائل ملے ءَ پیش اتکگ-
پولیس ءِ رد ءَ ٹیکسٹائل مل ءِ سیکورٹی گارڈ ءُ فیکٹری ءَ کار کنوکیں دو درملکی ملازمانی میان ءَ دپ جاک بیتگ-
واکدارانی رد ءَ دپ جاکی ءَ پد سیکیورٹی گارڈ ءَ تیرگواری کرتگ کہ چریشی ءِ سبب ءَ دو درملکی شھری زدگ بیتگ اَنت-
ریسکیو ءِ واکدارانی رد ءَ زدگ بیتگیں شھری درمانی ءَ ھسپتال ءَ برگ بیتگ اَنت-
لیاقت ھسپتال ءِ جارکش ءِ رد ءَ ھردوکانی ٹپانی درمانی برجاہ اِنت کہ ایشانی توک ءَ یکے ءِ جاور ناگیگ اَنت-