دوشمبے ءِ سُھب ءَ کھنوچ ءَ ایرانی آمیدگس ءِ ھکم ءَ دو بندیگیں بلوچ پاھو دیگ بیتگ انت۔
پاھو دیگ بیتگیں مردمانی نام یوسف ء قاسم” میناب ءِ دمگ بشگرد ءِ دمگ چراگ سوز ءِ جھمنند انت ءُ منصور ء موسیٰ میناب ءِ دمگ ھشتبندی ءِ دمگ توکھور ءِ جھمنند اِنت۔
اھوالانی رد ءَ یوسف پنچ سال پیسر ءَ میناب ءَ کوش ءِ بُھتام ءَ دزگیر بیتگ ءُ منصور چار سال پیسر ءَ کھنوچ ءَ نشئہ ءِ باپاری ءِ بھتام ءَ دزگیر بوتگ کہ آمیدگس ءَ آھانی سر ءَ پاھو ءِ سزا جتگ اَت، دوئیں بندیگ یکشمبے ءِ روچ ءَ پہ ھُکم ءِ پیلو کنگ ءَ ایوکی ءِ واڈ ءَ برگ بوتگ اَنت ءُ گوں کھول ءَ گُڈی گِند ءُ نند کنگ ءَ پَد دو شمبے ءِ سُھب پاھو دیگ بیتگ اَنت۔