پشتون ڈیورنڈ لائن ءِ ھردوکیں نیمگاں چہ دھکاں جنگ ءِ آسر ءَ ستکگ ءُ آیانی زمین ءِ سر ءَ میان اُستمانی جنگانی نشانگ ھم ھست اَنت کہ چریشی ءِ نھاد پشتون نسل کشی ءُ میارگیری ءِ دروشم ءَ مٹ دیان اَنت- ثور آشوب ءَ پد سرد جنگ پشتون ءِ سرڈگار جوڑ بیتگ – دَہ سال ءَ داں سویت یونین ءِ پوج ءِ ھلاپ ءَ زورکپتی ڈیھانی زرواریں گلاں پشتون ءِ سرڈگار درگان درگان کتگ ءُ ھپتاد ءِ دھک ءَ بندات بیتگیں جنگ مروچی ھم جتا جتائیں دروشماں برجاہ اِنت-
بیست ءُ یکمی کرن ءَ دومی دھک ءَ پشتون زمین ءَ ورنا جنگ ءِ بگیری ءَ کنگ ءَ اَنت ءُ راجی ھکانی واستا توار برز کنگ ءَ اَنت- چہ دھکاں زوراکیانی ھلاپ ءَ پشتون ورنا پشتون تھپز مومنٹ ءِ نام ءَ ایمنی ءِ بیرک ءَ چست کنگ ءُ پشتون زمین ءَ میان اُستمانی جنگانی دارگ ءَ توار چِست کتگ ءُ پرایمنی ءِ زرمبشت ءِ بنھشت ایر کتگ – بلے ریاست پاکستان ءَ امن ءِ کلو دیوکانی ھلاپ ءَ تاکت ءِ زور ءَ زرمبشت ءِ ھلاس کنگ ءِ جھد ءَ اِنت-
پشتون تھپز موومنٹ ءِ سر ءَ امن ءِ سیاست ءُ وتی سیاسی جد ءُ جھد بندات کتگ ءُ نندانک ءُ مچیانی دروشم ءَ وتی کلوہ ءَ پشتون ڈیھ ءَ تالان کنگ ءَ اَنت بلے ریاست ءَ پشتونانی پر ایمنین زرمبشت ھم وار نیت اِنت – چہ ھشت سالاں دزگیری، زورانسری بیگواھی ءُ شھیدیانی درچ یکشل ءَ برجاہ بیتگ اَنت نی پشتون تھپز موومنٹ ناشرکار گوشگ آئی ءَ پشتون راج ءِ جرگہ ءِ دارگ ءَ اَنت دانکہ جنگ ءِ بگیر داریں زرمبشت پشتوناں یکجاھی ءَ بہ دار ایت ءُ جد ءُ جھد ءَ ھلاس بہ کنت اِنت-
ھرچی کہ ریاستی پالیسی بلوچ سیاسی گھگیری ءِ دارگ ءَ کارمرد کنگ بیتگ اَنت ھمے ڈولیں پالیسی پشتون راج ءِ ھلاپ ءَ کنگ بوگ ءَ اِنت – دزگیری، زورانسری بیگواھی ءُ سیاسی باسکانی کُشگ ءُ پشتون راجی جرگہ ءَ دارگ ءِ جھد ءَ ریاست تچک کنگ ءَ اِنت اد ءَ زیردستیں راجانی واستا پرایمنیں سیاست ءِ دَر بند اِنت بلے راجی سیاسی جد ءُ جھد نا پیش ءَ زوراکیاں دزکش کنگ بیتگ اَنت نا انی آیانی کنگ نا بروبری اِنت-