سلاہ بندین مردماں تیرگواری کنان ءَ مستونگ پریس کلب ءِ اگدودارے کُشتگ-
بلوچستان ءِ دمگ مستونگ ءَ کلی گلکنڈ ءَ سلاہ بندیں مردمانی تیرگواری ءَ سراوان پریس کلب ءِ اگدودار ءُ نیوز ایجنسی آن لائن ءَ بندوکیں اھوالکار نثار اھمد لھڑی بیران بیتگ-
گیشیں اھوالانی رد ءَ سراوان پریس کلب ءِ اگدودار ءُ کلانیں اھوالکار نثار اھمد لھڑی مروچی سھب ءَ مستونگ ءِ شھر وتی نوک جوڑ بوھوکیں لوگانی نیمگ ءَ روگ ءَ بیتگ کہ ھمے وھد ءَ نشانگ کنگ بیتگ ءُ تیرگواری ءَ آ ھما جاہ ءَ بیران بیتگ-
میت سول ھسپتال ءَ برگ بیتگ ءُ اود ءَ اژدری چار ءُ ٹپاس ءَ پد میت کھول ءِ دست ءَ دیگ بیتگ-
پولیس ءِ نیمگ ءَ بنداتی اھوالاں گوشگ بیتگ جیڑہ زمینی جیڑھے ءُ جرمکارانی دزگیری ءَ پولیس بیڑ برگ اِنت-
پریس کلب ءِ نیمگ ءَ وئیل ءِ ایرجنی بیتگ ءُ جرمکارانی دزگیری ءُ اھوالکارانی پھریزگ ءِ لوٹ کنگ بیتگ-