بلوچستان ءِ بنجاھی وزیر سرفراز بگٹی ءَ گوستگیں روچ ءَ اسمبلی ءِ دیوان ءِ وھد ءَ تران کنان ءَ گْوشت کہ پرچا بی ایل اے ءِ نام چہ قرارداد ءَ کشگ ءِ وھد اتکگ، آیاں اے اُرش بی ایل اے ءَ نہ کتگ اَنت؟ ایشی ءِ نام بلوچ آجوئی لشکر اِنت۔
آئی ءَ گْوشت کہ اے ایوان اد ءَ تچک بہ کنت کہ اگاں شما آجوئیں بلوچستان ءِ ھمراہ داری کنگ لوٹ ات گڑا یک نیمگے ءَ بہ جن اِت، ما پاکستان ءُ فیڈریشن ءِ گپ ءَ کنگ ءَ ایں ۔
آئی ءَ گوشت کہ انشاءاللہ اگاں بلوچستان ءَ آجو کن اَنت گڑا بلوچ چُشیں جاور ءَ کہ گوستگیں ھپتاد سال ءَ چہ بے رھبند اِنت چون زند گوازین اِیت۔
آئی ءَ ٹاہ داتگ کہ سرفراز بگٹی بلوچ ءِ جنکاں پہ پی ایچ ڈی ءَ انگلستان ءَ روان دیگ ءَ اِنت ءُ شما یک بلوچے ءِ سر ءَ وت کشیں جیکٹ ایر کنگ ءَ اِت کہ آ کانود ءِ نودربر اِنت گڑا بلوچ اے گچین ءَ بہ کنت کہ بشیر زیب شرتر کنگ ءَ اِنت یا ما شرتر کنگ ءَ ایں ۔ بلوچ ءَ اے پیسلہ کنگی اِنت۔
آئی ءَ گوشت کہ ریاست ءِ ھلاپ ءَ الکاپیں پندل جوڑ کنگ ءَ شما سرجمیں بلوچستان ءَ پندل جوڑ کنگ ءَ اِت، بلوچستان ءِ ورناھانی زوراکی ءِ نیمگ ءَ برگ ءَ اِت۔
سرفراز بگٹی ءَ ٹاہ دیان ءَ گوشتگ کہ بلوچستان آزات بوت نہ کنت، پاکستان داں کیامت ءَ برجاہ مان ایت۔ ایشی ءَ گوں زوراکی ءَ کم کنگ نہ بیت۔