ندر پہ بانکیں گْوھار پدائی ماھل ءِ نام ءَ
جنید گھرام
دی بلوچستان پوسٹ
وتن دیوانگے ماھل
گُلابی گْواڑگے ماھل
پہ ڈیھ ءِ کھچر ءُ زیداں
کپوتی نالگے ماھل
زِر انت ءُ گْوادریں ماھل
بلوچ ءِ مادریں ماھل
داں ھستیں ماں جھان مان اِیت
تئی نام ءَ گِریں ماھل
سر ءَ کُربان کنت ماھل
گوں شھیداں تْران کنت ماھل
لگوریں دُژمناں راج ءِ
بدیں گُڈّان کنت ماھل
شھیدیں پہ وتن ماھل
نہ مُرتگ پہ نگن ماھل
تئی ھونانی بروردیں
کہ سبز ایت مئے چمن ماھل
ترا سُھریں سلام ماھل
نمیران ءِ مُدام ماھل
وتن آجو بیت یک روچے
نہ بیت ھچبر گُلام ماھل
وتن مئے جنّتیں ماھل
بلوچ ءِ گیرتیں ماھل
ترا چو من وتی ڈیھ ءَ
پہ سر کُربان کُتیں ماھل
بلوچانی گْوھار ماھل
پدائی سرمچار ماھل
جنید شاری سُمیّہ ءِ
مئے پُلّیں دزگْوھار ماھل