آدم حقانی اکیڈمی آواران ءِ ھمک ماھی دیوان

مروچی بزاں ھپت مئی دوھزار ءُ بیست ءُ سَے ءَ آدم حقانی اکیڈمی آواران ءِ ھمک ماھی دیوان ماں اکیڈمی ءِ کارگس ءَ اکیڈمی ءِ کار مسترکلیم قادر ءِ پاگواجھی ءَ برجم دارگ بوتگ –

دیوان ءِ گچینی مھمان چہ کراچی ءَ اتکگیں ورنائیں گشمدہ مصدق ندیم ءُ ھزدار ءَ گشندہ نظام شیدا بوتگ انت –

آدم حقانی اکیڈمی مروچیگیں ھمک ماھی دیوان ءِ سَے بھر چمشانک ءُ گشتانک، شئر ءُ شائری ،ساز ءُ زیملی مراگش بوتگ انت –

مروچیگیں دیوان ءَ اکیڈمی ءِ مالی جاور ھالانی گھتری ءِ سرا چمشانک ءُ گشتانک ءُ شور ءُ سلاھ کنگ بوتگ پدا مقبول وفا ءِ سفر نامگ “دردانی اوگار” ءِ دیم درائی مراگش ءِ ھاتر ءَ شور سلاہ کنگ بوتگ-

مروچیگیں دیوان ءِ جارچینی ءِ ڈبہ اکیڈمی ءِ کمک کارگشاد دلپل شوھاز بوتگ، ءُ دیوان ءِ بنگیج چہ تلاوت کلام پاک ءَ کنگ بوتگ کہ آصف آوارانی ءَ کرتگ-

دیوان ءَ کلیم قادر، مقبول وفا ، عارف اسلام ،دلپل شوھاز ، خالدعمر ، حمل دولت ، امان رحیم ، مھیم دربیش ، آصف آوارانی ، مصدق ندیم ، نظام شیدا ، وھاب شاد ، شفقت بلوچ، فظیراقبال، حسن جان احسان ، نزیر بلوچ ، ریاض اسلم ، ھہر زرتگ دیوان وشنود کرتگ –