دستونک: سیل ءُ سواد
شائر: میر بلوچ
دی بلوچستان پوسٹ
کُچّل ءُ سینگ بُرّیں شَراب ءَ یَل دے
بُست کن اے گرانیں واب ءَ یَل دے
سیل ءُ سواد ءَ در مہ کپ ڈَنّی دَراں
بیا جند ءِ زِر ءَ ڈَنّی تَیاب ءَ یل دے
بیا سوچ لَگورانی ھونیں پوشاکاں
کھریں نوبتاں ڈُنگی نکاب ءَ یَل دے
راج ءِ گوست ءَ بچار بلوچاں شیریں
اے رستریں دژمن ءِ داب ءَ یل دے
مارشتانی شَکّلیں شَھجواں نوش کن
پہ برات ءَ وتی ماری تاب ءَ یَل دے
میر سَمبھیں ڈیہ ءَ چو کران ءِ آیاتاں
ھَمباز توپکاں چَنگ ءُ رباب ءَ یَل دے
دست ءَ زَد ءَ کن چمّاں بَدانی سینگ ءَ
آچ ءُ اَنگریں تیراں شتاب ءَ یل دے