پاکستانی پوج ءِ گون ءَ جنگی بندیگانی مٹ ءُ بدل ءَ ساڑی ایں – بی ایل اے

الم بوانیت

آھوگ تو اے وڑ مہ کُتیں۔۔۔ – بالاچ قادر

آھوگ تو اے وڑ مہ کُتیں۔۔۔ بالاچ قادر دی بلوچستان پوسٹ گُل ترا یات بیت ھما وھدی کہ توءُ دگہ سنگتے مئے...

کمےّ وھد کشّ – منھاج مختار

کمےّ وھد کشّ منھاج مختار دی بلوچستان پوسٹ تو ھم زانئے کہ من ترا گشگایاں بلے اگاں ترا موھ رست منی اے...

بلوچستان ءِ آجوئی ءِ ترس ءُ پاکستانءِ نوکیں پالیسی: نبشتہ حکیم واڈیلہ

گوشنت زوراک وھدءِ وتا نزور بیگءَ گندیت اگں ماریت گڑا آوتی سرجمیں زورا جنت ءُ وتی زوراکیءَ برجم دارگءِ...

بلوچ سلاہ بندیں گل بلوچ لبریشن آرمی ءِ جارکش جئیند بلوچ ءَ رسانکدراں وتی شنگ کرتگیں درشان ءِ تہ ءَ گوشتگ کہ بی ایل اے ءِ سینئر کمانڈ کونسل ءَ اے گپ ءِ منّ اِتگ بین الاقوامی کنونشنز ءُ جھانی جنگی رھبندانی پلامرزی کنان ءَ پاکستان پوج ءِ گون ءَ جنگی بندیگانی رد ءُ بدل کنگ ءِ امل بندات کنگ بیت اِنت –

جارکش ءَ گوشتگ کہ بیست ءُ پنچ ستمبر سال دوھزار ءُ بیست ءُ دو ءَ بی ایل اے ءِ ایلیٹ فورس (ایس ٹی او ایس) بزاں اسپیشل ٹیکٹیکل آپریشنز اسکواڈ ءَ ھرنائی ءِ دمگ زردآلو ءَ انٹیلیجنس ھال دیگ ءَ بیڑ برتگ ءُ پاکستان ملٹری انٹیلی جنس ءِ یک کارمندے ءُ پاکستانی پوج ءِ جے سی او ( جونیئر کمیشنڈ آفیسر) ءِ دزگیر کتگ انت – بی ایل اے نوں بلوچ راجداریں بندیگانی بدل ءَ دژمن ءِ اے بندیگاں یل کنت –

جارکش ءَ گوشتگ کہ بی ایل اے ءِ انٹیلی جنس ونگ ءَ اے راستیں ھال سر بوتگ کہ پاکستانی پوج ھرنائی ءِ کش ءُ گوراں چاریگری ءِ مشن بندات کنگ ءَ انت – ھمے ھالانی رِد ءَ بازیں روچاں پٹ ءُ پول کتگ گڑا ھمے راستی دیم ءَ اتکگ کہ پاکستانی پوج ءِ دو کارمند لس مردمی پوشاک گور ءَ کن انت ءُ شپ ءِ وھد ءَ مساپر کشیں کوچے ءَ سپر کن انت تانکہ آھانی سر ءَ شک کنگ مہ بیت انت – اے دژمن کارمنداں ھمے دمگانی تہ ءَ بلوچ جھد کارانی بگیری ءَ چیریں راز پٹکی بوتگ انت –

جارکش ءَ دیمتر ءَ گوشتگ کہ بی ایل اے ءَ وتی اسپیشل ٹیکٹیکل آپریشنز اسکواڈ یکجاہ کتگ ءُ اے آپریشن ھماھانی ڈُبہ ءَ داتگ کہ آھاں سوبمندی ءَ گوں ھما گاڑی داشتگ کہ دژمن ءِ ھردو کارمند سپر کنگ ءَ بوتگ انت – آھاں جے سی او کلیم اللہ ءُ ملٹری انٹیلی جنس ءِ افسر محمد فیصل بیست ءُ پنچ ستمبر ءِ شپ ءِ ادار نُھ ءَ دزگیر کتگ انت – اے آپریشن ءِ میان ءَ شھری ءُ دزگیر کنگ بوتگیں کارمنداں ھچ وڑیں تاوان نہ بوتگ –

آئی ءَ گوشتگ کہ ایس ٹی او ایس ءِ سرمچاراں زانتگ کہ پاکستانی پوج وتی کارمندانی یل کنائینگ ءِ ھاتر ءَ زوتاں زوت بالگرد دیم دنت- گڑا بی ایل اے ءِ سرمچاراں پیسر ءَ برزیں جاہ وتی سنگر کتگ انت ءُ دشمن بالگردانی ودار کتگ کہ شپ ءِ ادار نزیک ءِ یازدہ ءَ پاکستانی پوج ءِ بالگرد ھمے دمگ ءَ سربوتگ انت ءُ ایس ایس جی کمانڈوز ایرگپتگ انت – “سرمچاراں خوست ھرنائی ءِ نزیک ءَ دژمنیں پوج ءِ سر ءَ اُرش کُتگ ءُ آ دیم آیگ ءَ نہ اشتگ انت، یک ساھتے ءَ تاں برجاھیں جنگ ءُ چوپ ءِ میان ءَ بی ایل اے ءِ سرمچاراں پاکستانی پوج ءِ بالگرد ءِ ھم نشانگ کتگ – شپ ءِ ادار یانزدہ ءُ چِل ءُ پنچ ءِ نزیک ءَ دژمن ءِ یک بالگردے سوبمندی ءَ گوں نشانگ کتگ کہ چیزے سیکنڈ ءِ تہ ءَ دژمن ءِ بالگرد ءَ آس لگتگ ءُ آ کپتگ، چریشی ءَ آئی ءَ سواریں ششیں دژمن کارمند مُرتگ انت- اے بالگرد ءَ پائلٹ میجر خرم شھزاد،میجر محمد منیب افضل، گنر نائیک جلیل ءُ ایس ایس جی کمانڈو عبدالواحد، محمد عمران ءُ شعیب سوار بوتگ انت -“

” دژمنیں پوج ءِ بالگرد کپگ ءَ پد دژمن پوج پد کنز اِتگ ءُ شپ ءِ ادار یک ءَ چہ اے دمگ ءَ در اتکگ انت – ترسوکیں پاکستانی پوج ءَ وتی تباہ بوتگیں بالگرد ءِ نزیک ءَ رؤگ ءِ کوشست ھم نہ کتگ ءُ دومی روچ ءِ ادار یازدہ ءَ پیسر دژمنیں پوج ءَ اے دمگ ءَ سر نہ کش اِتگ – “

جئیند بلوچ ءَ گوشتگ کہ ایس ٹی او ایس ءِ یک دگہ ٹولی ءَ ھردو بندیگ سوبمندی ءِ گوم ءَ گوں وت برتگ انت ءُ آھاں جست پُرس کتگ ءُ آھانی گور ءَ بازیں گپے پچ گپتگ –

” جے سی او کلیم اللہ دپ ءِ وت منّ اِتگ کہ نوزدہ سال انت آ سبی ءُ ھمے دمگاں بوتگ ءُ دوازدہ ءَ گیش پوجی لشکر کشیاں تچکی ءَ گون بوتگ ، آئی ءَ بازیں جنگی کتکاری ھم منّ اِتگ کہ بلوچ ورنایانی آوار جنی بندیگانی لٹ ءُ کُت ھم ھوار انت”

” ملٹری انٹیلی جنس افسر محمد فیصل ءَ دپ ءِ وت منّ اِتگ کہ آ یک ھاسیں آپریشنے ءِ ھاتر ءَ لوٹارینگ بوتگ ءُ آئی ءَ زمّہ داری دیگ بوتگ انت – آئی ءَ اے ھم منّ اِتگ کہ گوست ءَ سندھ ءُ بلوچستان ءِ تہ ءَ اے دابیں بازیں کاروائیاں بھر زرتگ یے – “

“وتی کتکاریانی منّگ ءَ پد ھردو بندیگ بلوچ راجی آمیدگس ءَ پیش کنگ بوتگ انت ءُ آھانی سر ءَ نامگپتی جرم جنگ بوتگ -“

جارکش ءَ گوشتگ بلے پد ءَ ھم یک پھکدار ءُ زمہ داریں پوج ءِ وڑ ءُ ڈول ءَ بلوچ لبریشن آرمی ءِ سنیئر کمانڈ کونسل ءَ پاکستانی پوج ءِ گون ءَ بندیگاں بدلی ءِ منزوری داتگ – بی ایل اے میان استمانی کنونشنز ءُ جوڑ کرتگیں جنگی رھبندانی پلامرزی ءَ کنت – بلوچ راج ءِ یک زمہ داریں پوجی تاکتے ءِ بستار ءَ بی ایل اے دودمانیں دنیا ءِ درسیں کانود ءُ رھبندانی سر ءَ من ایت –

” بی ایل اے بلوچ سیاسی بندیگانی یل کنگ ءِ بدل ءَ ھردو بندیگانی یل کنگ ءَ ساڑی ایں بلے پد ءَ ھم اے میان ءَ پاکستانی پوج ءَ ھر وڑیں زوراکی کنگ ءِ جھد کت گڑا اے بندیگاں چہ بلوچ راجی آمیدگس ءِ نیمگ ءَ دیگ بوتگیں سزا دیگ بیت اِنت -“

جارکش جئیند بلوچ ءَ وتی درشان ءِ گڈسر ءَ گوشتگ کہ اے درگت ءَ ھر وڑیں گامگیج ءِ کہ زورگ بوت، ما بلوچ راج ءُ رسانکدراں سرپدی دے ایں –

نوکتریں

واٹس ایپ ءِ کارمرد کنوکانی ڈیٹایانی بھا کنگ ءِ ھچ راستی نیست اِنت

گوستگیں روچاں اے گپ چَر چَر بیگ ءَ اِنت کساس پنجاہ کروڑ واٹس ایپ کارمرد کنوکانی موبائل نمبر ھیک کنگ بیتگ...

فیفا ورلڈ کپ: گھانا، برازیل ءُ پرتگال ءَ گوازی کٹ اِتگ انت

دوحہ قطر ءَ فیفا ورلڈ کپ ءِ گوازی برجاہ ، گوستگیں روچ ءَ قطر ءِ جتا جتائیں پٹاں ھشت ٹیمانی میان...

شال: زورانسری آوار جنیانی بگیری ءَ زھرشانی برجاہ

بلوچستان ءِ بنجاھی شھر شال ءَ بیگواھیں مردمانی پانکجنیں گل وائس فار بلوچ مسنگ پرسنز ءِ زھرشانی برجاہ، وی بی ایم...

بلیدہ ءُ گومازی ءَ پاکستانی پوج ءُ ایف ڈبلیو او ءِ سر ءَ اُرش، اُرشانی زمّہ واری بی ایل ایف ءَ منّ اِتگ انت

سربوتگیں ھالانی رِد ءَ گوستگیں روچ ءَ ناشناسیں سلاہ بندیں مردماں بلوچستان ءِ دمگ تمپ گومازی ءَ پاکستانی پوج ءِ بنجل...