ملتان ءَ دگ ءِ وئیل، بیست مردم بیران

سکھر موٹروے (ایم – 5) ءَ یک مساپر بریں بس ءُ آئل ٹینکرے ءِ میان ءَ ٹکری بیتگ چریشی ءِ آسر ءَ بیست مردم بیران ءَ شش زدگ بیتگ اَنت-

گیشیں ھالانی رد ءَ جلال پور پیر والا انٹر چینج ءَ چہ لاھور ءَ کراچی ءَ روکیں مساپر بریں بس ءَ یل آئل ٹینکرے ءَ ٹکر وارتگ، وئیل ءَ پد آس کپتگ ءُ بیست مردم جاہ پہ جاہ ءَ بیران بیتگ اَنت-

زدگ بیتگیں مردم نشتر نادراہ جاہ ءَ برگ بیتگ اَنت ءُ نشتر نادراہ جاہ ءُ جلالپور ءِ نادراہ جاہ جاڑیگ کنگ بیتگ اَنت –

کمشنر ملتان عامر خٹک ءَ یک ٹویٹے ءَ وئیل ءِ ھال راست کتگ ءُ گوشتگ کہ وئیل ساھت چار ءَ پیش اتکگ –

آئی ءِ نیمگ ءَ ٹوئٹر تندجاہ ءَ شنگ کنگ بیتگیں اکساں گندگ بیت اِنت بس ءُ آئل ٹینکر سرجم ءَ ستکگ اَنت-