راج ءِ نودربرانی اشاپ- پاتما بلوچ

الم بوانیت

آھوگ تو اے وڑ مہ کُتیں۔۔۔ – بالاچ قادر

آھوگ تو اے وڑ مہ کُتیں۔۔۔ بالاچ قادر دی بلوچستان پوسٹ گُل ترا یات بیت ھما وھدی کہ توءُ دگہ سنگتے مئے...

کمےّ وھد کشّ – منھاج مختار

کمےّ وھد کشّ منھاج مختار دی بلوچستان پوسٹ تو ھم زانئے کہ من ترا گشگایاں بلے اگاں ترا موھ رست منی اے...

بلوچستان ءِ آجوئی ءِ ترس ءُ پاکستانءِ نوکیں پالیسی: نبشتہ حکیم واڈیلہ

گوشنت زوراک وھدءِ وتا نزور بیگءَ گندیت اگں ماریت گڑا آوتی سرجمیں زورا جنت ءُ وتی زوراکیءَ برجم دارگءِ...

نبشتانک: راج ءِ نودربرانی اشاپ

نبشتہ کار: پاتما بلوچ

دی بلوچستان پوسٹ

اِے وَ زیردستی ءِ آسر اِنت کہ مئے راجی زُبان براھوئی ءُ بلوچی ماں وانگجاھاں وانینگ نہ بنت چریشی ءَ مئے راجی زُباناں دیمروئی نہ کُتگ ءُ راجی ھم وتی ماتی ءُ راجی زُبانانی شر وانگ ءِ راست نبیسّگ ءَ ھیل نہ اِنت البت گُلامیں راج ءِ وشبھتی اِنت کہ راج ءِ تہ ءَ پہ بلوچ راجی زُبان ءِ دیمروئی ءَ بازیں زُبانزانت ءُ راجی زُبان ءِ جُھدکار ھست اَنت کہ آ شپ تاں روچ وتی دزھُورکی ءِ ھمُک ساھت ءُ دمان ءَ ناسرپدیں راج ءَ ھمے سرپدی دیان اَنت کہ تو بلوچے ئے، بلوچی تئی راجی پجّار اِنت ءُ بلوچی تئی ماتی زُبان اِنت پمیشکا بلوچی وانگ ءُ دربرگ پہ بلوچ ءَ سک آسان اِنت کہ تو تھنا اشتاپکار مہ بَہ ئے بلکیں اول رِد(ترتیب) ءِ سر ءَ بلوچی درونتاں وانان کن گُڑا تو وت وتی راجی زُبان ءِ نبشتہ دربر ئے بلے ما وَ اشتاپکار ایں پمیشکا ھچ سرپد بوُگ ءَ تیار نہ ایں۔ گِند ئے لھتیں نودربر یا وانِندھیں بلوچ گْوش اَنت “من چہ وانگجاہ بلوچی نہ ونتگ، من بلوچی نبیسّگ ءَ نزور آں، من نبشتہ ھیل نہ آں یا من بلوچی آبینکدار (کیبورڈ) ءَ ھیل نہ آں”

بزاں اے وڑیں انچیں بے سیتیں نیمون ءُ گپاں کن اَنت کہ مئے وَ مجبوری ھمیش اِنت پمیشکا نی من پْروش وارتگ ءُ من ءَ بلوچی وانگ ءُ نبشتہ لوٹ ایت البت ما اِے وڑیں نودربراں سرپدی دیگ لوٹ ایں کہ شُمئے وڑ ءَ پیسر ءَ ما ھم بلوچی نبشتہ ھیل نہ اِت ایں۔ ما ھچ کس ءَ ماں وانگجاھاں بلوچی نہ ونتگ ءُ ناں کہ ما بلوچاں ماں وانگجاھاں مئے جِند ءِ راجی زُبان وانینگ بیت چے ءَ کہ ما ایردست ایں بلے ما ایردستیں راج وتی راجی زُبان ءَ وتی دزھُورکی ءِ وھد ءَ وت وانگ ءُ دربرگ ءَ ایں، بلکیں راج ءَ ھم وانینگ ءَ ایں شمئے ڈول ءَ ما ھم پیش ءَ راجی زُبان ءِ وانگ ءُ نبشتہ نزور اِت ایں ، کس پیسر ءَ بلوچی راست نبیسّگ ءَ زبر نہ اَت بلے ما وتی جُھد برجاہ داشتگ ءُ وتی راجی زُبان یکشل ءَ وانان ءَ دربُرتگ۔ اگاں کسے بلوچی وانگ ءُ نبیسّگ ءَ ھیل نہ اِنت گُڑا ایشی ءِ متلب اے وَ نہ اِنت کہ آ دلپْروش بہ بیت یا وتی راجی زُبان ءِ راست نبیسی ءَ ھیل مہ کنت بلکیں آئی ءِ اولی راجی زمہ واری وَ ھمیش اِنت کہ آ زِدّ کنان ءَ گیشتر بلوچی درونتاں وت وانان ءَ بلوچی راست نبیسّگ ءَ ھیل بہ کنت وھدے کہ کہ تو رِد ءِ سر ءَ بلوچی درونت سرجمی ءَ ونتگ اَنت گُڑا تو بلوچی نبشتانک ءُ آزمانکاں بہ وان ئے۔

دلگوش بہ کن کہ ھرچیزے تو وانگ ءَ بَہ ئے گُڑا آئی ءِ ردیاں ھم چاران کن ئے چی ءَ کہ مارا چہ وتی ردیاں دربرگ لوٹ ایت، بزاں ما بلوچ راج ءَ وت ماں وت وانگ ءَ ایں انچوشکہ انگریزی ءَ “Self Study” گْوش اَنت ئِے چی ءَ کہ مئے راجی زُبان ءَ دگہ ھچ وانگجاہ ءُ آسراتی نیست انت۔ ما وَ نہ گْوش ایں کہ کسے یکپارگی وانان ءَ یک روچے ءِ تہ ءَ مُلاہے جوڑ بہ بیت بلکیں ما گْوش ایں درونتاں وانان ءَ بلوچی نبشتہ ھیل بہ کن اِت۔ مارا ھر چیزے ءِ سرپدی چہ وانگ ءَ رس ایت پمیشکا ھچبر اشتاپ مہ بَہ اِت، بلوچی کیبورڈ ءَ ماں وتی موبائلاں ایرگیج بہ کن اِت کہ دُنیا ءِ ھر راج وتی زُبان ءِ کیبورڈ ءَ گوں پھر ءُ ناز ءَ کارمرز کنت۔ پد ءَ تھنا درونتاں بوان اِت ءُ بلوچی ءَ گوں بلوچی زگریں گالاں نبشتہ بہ کن اِت وھدے کہ شُما گالرِدے(جُملہ) نبیسّ اِت گُڑا وتی نبشتگیں گالرِد ءَ چمشانکے الم بہ دے اِت کہ رَدی مہ اَنت ئِے پرچاکہ چہ شُمئے راستیں گالرِد ءُ پوسٹے ءِ وانگ ءَ وانوکیں نودربر چیزے دربر اَنت۔

اگاں ما ھورت چار ایں کہ مرچی انٹرنٹ ءِ زمانگ اِنت ءُ پہ بلوچی وانگ ءُ دربرگ ءَ پیسبوکی بلوچی گل(گروپ) ءُ تاکدیماں(پیجاں) مارا بے کساس بلوچی درونت ءُ دربرگی تامُر(learning Videos) آسانی ءَ رس ایت۔ مرچی یک وٹس ایپ گل ءَ 500 باسک ءِ گُنجائشت ھست ءُ کمپنی گْوش ایت دیمی شش ماہ ءِ تہ ءَ اِے گُنجائشت 2000 ءَ سر بیت اگاں ما وٹسیپ ءُ پیسبُک ءَ راج ءَ وانین ایں گُڑا راجی زُبان ھم دیمروئی کنت۔ ھمے داب ءَ چہ یوٹوب ءَ کسے “بلوچی درونت” ءِ نام ءَ شوھاز بہ کنت گُڑا چہ یوٹوب ءَ ھم پہ بلوچی دربرگ ءَ کسانیں شریں درونت وانینگ بنت۔

گُڑا باید اِنت راج اشتاپ مہ کنت بلکیں بلوچی درونتاں رِد ءِ سر ءَ وانان بہ کن ایں۔ ما بلوچی دربرگی تامُراں چار ایں ءُ راج ءَ ھم ھمے موادانی سرپدی بہ دے ایں۔ وھدے کہ ما راجی زُبان دربُرتگ گُڑا ما اوشت ءِ آماچ مہ بہ ایں بلکیں راج ءَ بِہ وانین ایں ءُ پرچاکہ مئے راجی زُبان ھما وھد ءَ دیمروئی کنت وھدے کہ ما دْراہ بلوچی ءَ وانین ایں۔ بلوچ نودربری گل (بی ایس او) ءِ کارسر ءُ نودربر باید انت کالج ءُ یونیورسٹیاں بلوچاں نودربراں بلوچی وٹس ایپی وانگجاھانی اڈ کنگ ءِ سرسوج بہ کن اَنت۔

امیت انت کہ شُمارا چہ اِے نبشتانک ءَ بازیں سرپدی یے رس اتگ، شُما زیت راجی زُبان ءَ وانان دربر اِت ءُ پہ راجی زُبان ءِ دیمروئی ءَ شُما زُبان ءِ ھزمتکار ءُ جُھدکار جوڑ بَہ اِت۔
بلوچ راج شالا تپاک ءُ یکمُشت بہ بات، بلوچستان شالا آجو بہ بات، بلوچی شالا دیمروئی بہ کنات ءُ پہ راجی زُبان ءِ دیمروئی ءَ مُدام جُنزان بات اِت۔ شالا انچوش بات۔


دی بلوچستان پوسٹ: اے نبشتانک ءِ تہ ءَ درشان کُتگیں ھیال ءُ لیکہ نبشتہ کار ءِ جِندئیگ اَنت، الّم نہ اِنت کہ دی بلوچستان پوسٹ رسانک نیٹورک ایشانی منّوک بہ بیت یا اگاں اے گل ءِ پالیسیانی درشانی اِنت۔

نوکتریں

شال ءَ بیگواھیں مردمانی کھولانی نندانک ءُ زھرشانی برجاہ

زیارت ءِ لشکر کشی ءُ دروگیں میڑ ءِ بگیری ءَ بلوچستان ءِ بنجاھی شھر شال ءَ بیگواھیں مردمانی کھولاں مروچی بیست...

شال: پوج ءِ پانگس ءِ سر ءَ دزبمب اُرشے بوتگ

شال ءَ ناشناسیں مردماں پوج ءِ پانگس ءِ سر ءَ دزبمبے چگل داتگ ءُ تتکگ اَنت- سربوتگیں...

ھیالاں سرّیچ اَت – شیر دل بلوچ

نبشتانک: ھیالاں سرّیچ اَت نبشتہ کار: شیر دل بلوچ دی بلوچستان پوسٹ

بلوچستان ءَ توپانی ھور: گاڑی ءِ ھار برگ ءَ پنچ مردم بیران بوتگ انت

ھئور ءُ ھارانی سوب ءَ پُرشتگیں دگ ءُ ریل پٹیانی شر نہ کنگ ءِ سوب ءَ بلوچستان ءِ بنجاھی شھر شال...