حفیظ قادر مھیم سورانی ءَ آوار جتگ گوں وت برُتگ

گوستگیں روچ ءَ پنجگور ءِ دمگ چتکان ءَ آوار جنگ بوتگیں حفیظ قادر ءِ برات عبدالرزاق ءَ ٹک ءِ سرکماش سردار سخی بھائیاں سمالانی، آل پارٹیز دمگی سرکماش میر نزیر احمد، نیشنل پاٹی ءِ سرکماش حاجی سالح بلوچ، حاجی سالح بلوچ، میر ہیبت خان، میر ظہور احمد قومی تحریک ءِ بنجاھی سرکماش میر ضیا جان سمالانی دگہ مردماں چتکان پریس کانفرنس ءِ دیم ءَ تران کنان ءَ گوشتگ ما شریپیں کھول ءَ گوں سیادی داریں حفیظ بلوچ بیست ھزار ءِ واست ءَ مزوری کنگ ءَ بوتگ کہ گوستگیں روچ ءَ سلاہ بندیں مردم کہ آھانی تہ ءَ مہیم سورانی، اسد مسلم ءُ دگہ مردم ھوار بوتگ انت کہ آھاں اوار جتگ ءُ گوں وت برتگ چریشی ءَ مئے سرجمیں کھول ازیت تہ ءَ انت بلے اشی ءَ ابید پولیس ءُ دمگی واکدار اے کتکارانی دزگیر کنگ ءَ بے سوب انت بلکیں ارزی ءَ ھچ دلگوش دئیگ ءَ نہ انت –

آھانی گوشگ ات کہ سمالانی ٹک ءُ پنجگور گیشتر سیاسی چاگردی ءُ باپاری گل ءُ پاٹء اے پریس کانفرنس ءَ چہ پولیس ھبردار کنت کہ دوازدہ ادارانی میان ءَ حفیظ قادر یل بہ کنائینیت ءُ اوار جنوکاں دزگیر بہ کنت اگاں ناں سی پیک دگ بند کنگ بیت اتنت ءُ ڈپٹی کمشنر، پولیس سربراہ ءِ کارگس ءُ ایپ سی بنجل ءِ دیم ءَ زھرشانی کنگ بیت اتنت اشی زمہ دار ھستیں وھد ءِ سرکار ءُ آئی ءِ ادارھانی سر ءَ انت –

سردار سمالانی ءِ گوشگ ات کہ وئیل ءَ سَے روچ گوستگ پولیس واکدار مار ءَ کم چہ کم اے بگوش انت کہ کہ اے درگت ءَ آ ھچ کرت نہ کن انت چریشی ءَ پد ما ٹکی وڈ ءُ پیم ءَ زانیں کجام وڈ کنگی انت –

آھانی گوشگ ات کہ حفیظ قادر کسور ھمے بوتگ کہ آ بے کسور ئے ھمے واست ءَ اوار جنگ بوتگ ءُ ملام گرگ بوھگ ءَ انت –

آئی ءِ گوشگ ات کہ اگاں اے کار ناشناسیں مردماں بہ کُرتیں گڈا کانود جوڈ کنوکاں وتی بے بسی درشان بہ کرتیں بلے وھدیکہ کتکارانی نشاندھی بوتگ گڈا آ کجام لاچاری انت کہ اے مردم دزگیر کنگ بوھگ ءَ نہ انت ءُ آئی یل کنائینگ ءَ اڈاند پیدا کنگ ءَ انت –

آئ ءَ گوشتگ کہ پنجگور جنگل ءِ سمجھگ بوتگ ءُ ھر یکے ھراب کاری کنت ءُ در کئیت ءُ رؤت گِسانی تہ ءَ دور کنگ ءُ دزی ءُ ڈنگی ھلاس کنگ بہ بیت اگاں چوش نہ بوت گڈا مھلوک دگانی سر ءَ درکیت –

آئی ءِ گوشگ ات کہ حفیظ قادر یک لیبی ئے ءُ آئی آوار جنی ءَ سرجمیں اسپورٹس کمیونٹی پریشانی تہ ءَ انت –

آوار جنوک مہیم سوارانی کئیں؟
مہیم سورانی ءِ درگت ءَ کھول ءُ آجوئی لوٹوکیں گل ھمے الزام ءَ جنگ ءَ انت کہ مھیم ءِ سیادی سرکار ءِ داشتگیں بزاں ڈیت اسکواڈ انت کہ بلوچانی آوار جنی ءُ کُشت ءُ کوش دگہ چاگردی سلکاریانی تہ ءَ دست مان انت –

ھشت دسمبر ءَ بلوچ ریپبلکن آرمی ءَ پنجگور ءِ دمگ ءَ پنچ مردم کشتگ ات کہ آھانی درگت ءَ ھمے گل ءَ گوشتگ ات کہ اے مردم مہیم سورانی ءِ کارمند انت –

بی آر اے جارکش ءَ اُرش ءِ زمہ واری منّ اِتگ ءُ گوشتگ کہ اُرش ءَ مُرتگیں درسیں کارندہ مئی ماہ ءَ سال دوھزار بیست ءَ پروم ءَ بوتگیں جنگ ءَ ھوار بوتگ انت کہ آ جنگ ءِ تہ ءَ بی ایل ایپ ءِ کماندار میجر نورا پنام پیرک گوں وتی دگہ سنگتاں شھید بوتگ – اے ٹولی ءِ سرکار ءِ سربراھی ءَ دزی ڈنگی ءُ بزگریں مھلوک ءَ تنگ کنگ ءَ دست مان انت –

اشی ءَ پد بازیں وٹس اپ گروپانی تہ ءَ مھیم ءِ یک توار ءِ شنگ بوتگ ات کہ آئی ءِ تہ ءَ دپ وت منّگ انت کہ پروم وئیل ءَ ھوار بوتگ –

مہیم سورانی ءِ سر ءَ اشی ءَ پیش ھم ھمے الزام جنگ بوتگ کہ آ مردمانی آوار جنی ءُ کوش ءَ ھوار دگہ بازیں چاگردی سلکاریانی تہ ءَ ھوار انت ءُ پاکستان ءِ چیریں ادارھاں آ مھار بڈا داتگ ءُ یل داتگ –