اسد عرف ءِ باست- چنگیز بلوچ

الم بوانیت

آھوگ تو اے وڑ مہ کُتیں۔۔۔ – بالاچ قادر

آھوگ تو اے وڑ مہ کُتیں۔۔۔ بالاچ قادر دی بلوچستان پوسٹ گُل ترا یات بیت ھما وھدی کہ توءُ دگہ سنگتے مئے...

کمےّ وھد کشّ – منھاج مختار

کمےّ وھد کشّ منھاج مختار دی بلوچستان پوسٹ تو ھم زانئے کہ من ترا گشگایاں بلے اگاں ترا موھ رست منی اے...

بلوچستان ءِ آجوئی ءِ ترس ءُ پاکستانءِ نوکیں پالیسی: نبشتہ حکیم واڈیلہ

گوشنت زوراک وھدءِ وتا نزور بیگءَ گندیت اگں ماریت گڑا آوتی سرجمیں زورا جنت ءُ وتی زوراکیءَ برجم دارگءِ...

نبشتانک: اسد عرف ءِ میجر باست

نبشتہ کار چنگیز بلوچ

دی بلوچستان پوسٹ

من اولی رند ءَ میجر اسد دیستگ 2008 ءَ پسنی ءِ پریس کلب ءَ گوں سنگتاں دیوان کنگ ءَ ات من ھمود ءَ گوں شھید ءَ سک نزیک بیت اَنت آ بی ایس او آزاد پسنی ھنکین ءِ ڈپٹی آرگنائیزر ات دشمن ءِ زلم روچ پہ روچ گیش بوان بوت اَنت شھید میجر اسد ءَ میک دپ ءَ اَت وتی راج ءَ سکین دیگ ءَ ات اے دشمن چون چونیں زلم ءُ زوراکی کنگ ءَانت –

میجر اسد دشمن ءِ ہرچ ھال ءَ پَدر کنگ ءَ ات قوم ءِ دیم ءَ برے ھرتال ءُ زھرشانیاں برے ریلی ءُ سنگتانی سرکل ءُ دیواناں ہمے وڑ ءَ دشمن ءِ زُلم ءُ زوراکیاں ھوار روچ پہ روچ میجر اسد ءِ سیاسی زمہ داری اوں گیش بُوان اِت انت وھدیکہ سیاسی سُر ءُ پُرانی سبب ءَ میجر اسد پولیس ءَ ایف آئی آر کت آئی ءِ لوگ انگیر کت ءُ لوگ ءِ سامانانی پرشت ءُ پروش کت میجر اسد ءَ مار ات نی دشمن من ءَ سیاست ءَ نیل ایت چہ پسنی شہر2011.5.31 در اتک ءُ دیم پہ کلانچ ءَ شت بلوچ سلاہ بندین جد ءُ جہد ءَ ہوار بوت-

وتی چمے دشمن ءِ سر ءَ شریں رنگے ءَ ایر کت اَنت برے ماں ساجی ءَ برے مں دڈامب ءِ کوھاں بود ءُ بودشتانی سبب ءَ 2013 ءَ کلانچ ءِ زمہ واری دیگ ءِ بُوت انت کمانڈر کنگ بوت میجر اسد ءَ بازیں سنگت ءِ گوں وت ءَ ھوار کت ھر لوگ ءَ وتی آجوئی ءِ پیغام سر کت دشمن ءِ پادے لرزین اَت اَنت کلانچ ءِ آیگ ءَ دشمن ءِ دل ءَ بیم ءِ نشتگ ات کلانچ نوگو ایریا کت پہ دشمن ءَ دشمناں بازیں ڈیتھ اسکواڈ جوڑ کت دشمن ءِ ہر چال میجر اسد ءَ بے سوب کت انت 2014 ءَ میجر اسد مئے اوتاگ ءَ بالگتر ءَ اتکگ ات گوں من ءَ ڈیک ءِ وارت من ءَ گشت ئِے تو پہ کدی اینگو؟ من گشت من ءَ دیر اِنت من اتکگ انت داں شپ ءَ دیر آں دیوان بوت علاقائی ھال ءُ ھیوال بوت انت پد ءَ 2015 منی سر میجر اسد ءِ علاقہ ءَ کپت ءُ داں 10 روچ ءَ نشت ءُ ھال ءُ اھوال کت پد ءَ من دگہ نیمگے شُتاں پد ءَ یک روچے ھال اتک کہ میجر اسد گوں وتی سنگتاں ماما بگٹی ءِ گواری ءَ مں کوسٹل ہائی وے ءَ جنگ داتگ پد ءَ دشمن گیشتر تُرس ءِ آماچ بُوت دشمن ءِ دست ھچ ءَ نہ رسگ ءَ اِنت دشمن ءَ میجر اسد ءِ فیملی ٹارچر کنگ بندات کت ڈیتھ اسکواڈ ءِ مردماں میجر اسد ءِ مکھیں مات ءِ سر ءَ تیر گواری کت ءُ ٹپی کت دشمن ءَ چار ات ھچ رنگ ءَ پرشگ ءِ وڑ ءَ نہ اِنت –

پد ءَ میجر ءِ برات صابر آوار جت ءُ زندانی کت پد ءَ میجر اسد ءَ فون کت کرنل ءَ بیا سلنڈر بہ کن میجر اسد ءَ اے پُسو دات منی برات ءَ جنے بہ جن من نیا آں پہ من ھیب اِنت دست ءِ سِلاہ ئِےچگل دیگ پہ ترا آیگ من ءَ وتی نام پہ لگوری شات نہ بیت پہ راجی دپتراں من وتی درست آں کربان کن آں بلے بزگی راج ءِ اوست ءَ پُشت پِر نہ دیاں گڑاں2016/11/2ءَ میجر اسد ءِ برات شھید صابر دشمن ءَ گوں دگہ یک سنگتے ءَ ھوار شھید ساجد کریم شھید کت ءُ دَور دات انت شھید میجر اسد ءِ 3 ناکو ہم دشمن ءَ شہید کت اَنت ۔

2016 پد ءَ منی سر میجر اسد ءِ ھند ءُ دمگ ءَ کپت من داں شش ماہ ءَ جل ات آں دشمن وتی سرجمیں زور جنگی ات ھمک دو روچ ءِ سر ءَ کلانچ ءِ ھند ءُ دمگاں آپریشن کنگ ءَ ات گوں وتی داشتگیں علاقائی ڈیتھ اسکواڈانی ھواری ءَ یک روچے میجر اسد گوں سنگتے ءَ کارے ءِ نیمگ ءَ شتگ ات روچ ءِ 3 بج ات سنگتے مئے کِرا اتک ءُ گُشت ئِےکہ ڈیتھ اسکواڈ ءَ میجر اسد انگیر کتگ ما کلیں سنگت شُت اِنت داں شپ ءِ 8 ءَ ما انگیر پروشت ءُ سوبین بوتیں میجر اسد زرت ءُ در اتکیں میجرے پاد ءَ تیر وارتگ ءُ ٹپی ات ءُ یک تیرے پاد ءَ انگت مان ات ئِے بلے میجرے لنٹانی بچکندگ ءُ ٹھک نہ پُرشت اَنت دشمن ءَ منی سر بستگ ءُ گشتگ کُشانے بلے دشمن بے سوب بُوت پد ءَ من دگہ نیمگ ءِ در اتک ءُ شتاں داں دیراں منی گوں میجر اسد ءَ ھال ءُ اھوال نہ بوت اناگہ ءَ یک روچے پد ءَ وٹس ایپ ءَ ھال ءُ اھوال بُوت پد ءَ نیٹ ورک ءَ در اتک داں کہ بدیں ھالے اتک میجر اسد عرف ءِ باسط شھید کنگ بیتگ کولواہ مادگ ءِ کور ءَ گوں دگہ سے ھمبلاں ھوار شھید ریاض ، شھید مرید ، شھید ملوک تئی جھد ستا کرزایت شھید میجر اسد ارف میجر باسط تو سر دات بلے زمین نہ دات سھرین دروت ۔


دی بلوچستان پوسٹ: اے نبشتانک ءِ تہ ءَ درشان کُتگیں ھیال ءُ لیکہ نبشتہ کار ءِ جِندئیگ اَنت، الّم نہ اِنت کہ دی بلوچستان پوسٹ رسانک نیٹورک ایشانی منّوک بہ بیت یا اگاں اے گل ءِ پالیسیانی درشانی اِنت۔

نوکتریں

پریمئیر لیگ فٹبال گوازی ٹوٹنھم ءُ مانچسٹر یونائیٹڈ ءَ گوازی کٹ اِتگ اَنت

چارشمبے ءِ روچ ءَ بوتگیں یورپئین پریمئیرلیگ فٹبال گوازی ءَ ٹوٹنھم ءَ لسسٹر سٹی ءِ دیم ءَ سَے پہ دو ءُ...

کولواہ ءَ زورگیریں پوج ءِ کاروان ءِ سر ءَ بوتگیں اُرش ءِ زمّہ واری بی این اے ءَ منّ اِتگ

بلوچ آجوئی لوٹوکیں سلاہ بندیں گل بلوچ نیشنلسٹ آرمی ءِ جارکش مُرید بلوچ ءَ رسانکدراں وتی شنگ کرتگیں درشان ءِ تہ...

بلوچستان شاھدربرجاہ ءَ بیگواھیں نودربرانی یل کنائینگے ھاتر ءَ زھرشانی

بلوچ نودربر آلائنس نیمگ ءَ مروچی بلوچستان ءِ بنجاھی شھر شال ءَ بلوچستان شاھدربرجاہ ءَ چہ زورانسری آوار جنگ بوتگیں نودربر...

سرکار ءَ داتگیں بیگواھیں مردمانی لڑ ءِ تہ ءَ انگت بازیں کساس ءَ مردم بیگواہ انت – نصراللہ بلوچ

بلوچستان ءَ زورانسری آوار جنگ بوتگیں سیاسی باسکانی پانکجنیں گل وائس فار بلوچ مسنگ پرسنز ءِ سرکماش نصراللہ بلوچ ءَ وتی...