بساک: شال ھنکین ءِ نیمگ ءَ راجداری ءِ ھوار جتا جتائیں بنگپانی سر ءَ نیاد

الم بوانیت

آھوگ تو اے وڑ مہ کُتیں۔۔۔ – بالاچ قادر

آھوگ تو اے وڑ مہ کُتیں۔۔۔ بالاچ قادر دی بلوچستان پوسٹ گُل ترا یات بیت ھما وھدی کہ توءُ دگہ سنگتے مئے...

کمےّ وھد کشّ – منھاج مختار

کمےّ وھد کشّ منھاج مختار دی بلوچستان پوسٹ تو ھم زانئے کہ من ترا گشگایاں بلے اگاں ترا موھ رست منی اے...

بلوچستان ءِ آجوئی ءِ ترس ءُ پاکستانءِ نوکیں پالیسی: نبشتہ حکیم واڈیلہ

گوشنت زوراک وھدءِ وتا نزور بیگءَ گندیت اگں ماریت گڑا آوتی سرجمیں زورا جنت ءُ وتی زوراکیءَ برجم دارگءِ...

نیاد بلوچ اسٹوڈنٹس ایکشن کمیٹی شال ھنکین ءِ وانگی سرکل ھنکین ءِ کارمستر فرید بلوچ ءِ سروکی ءَ برجم دارگ بیتگ، نیاد ءَ گچینی ءِ مھمان بنجاھی کمیٹی ءِ باسک عارف بلوچ ءُ خالد بلوچ ھوار بیتگ اَنت-

نیاد ءِ سرھال: نوْشت تاک 2 نبشتانک “ سیاسی سنچ ءُ درشان حنیف دلمراد”تران کنوک: بُنجاھی باسک عارف بلوچ دیوان ءِ بندات چہ نبشتانک ءِ تہ ءَ نبشتگیں برصغیر ءِگوْستگیں سیاسی جیڑہ چہ بیتگ اَنت اے نبشتانک ءِ تہ ءَ سیاسی جیڑھانی سر ءَ گپ کنان ءَ آیاں گوشت: برصغیر ءَ پاکستان ءِ تہ ءَ پارٹیانی سیاسی جیڑہ چون بیتگ انت ءُ اشاں بلوچستان ءِ سیاسی جاور چون پروشت ءُ پروش ءِ دیمپان کتگ –

آیاں گوشت پاکستان ءِ جوڑ بیگ ءَ ساری پاکستان ءِ جوڈشت ءِ قرارداد سیکولر قراردادے بیتگ بلے محمد علی جناح ءِ مرگ ءَ پد لیاقت علی خان قراردادے پیش کنت کہ پاکستان اسلامی ملکے بہ بیت۔

آیاں گوشت جناح ءَ گیر جمھوری کار کنت ءُ بازیں راجانی گون ءَ پَڈا کنت ھمد ءَ چہ بازیں پارٹی ءُ نودربر گل ناتپاکی کن انت ءُ سیاسی چِست ءُ ایر بندات بیت۔ پاکستانی سیاسی رھبرانی میان ءَ اڈاند پیداگ بیت ءُ ھمے سبب ءَ مُلک ءَ باز مارشل لاء ھم لگّ ایت اِنت۔ عوامی ءُ پوجی اڈاند ءُ سیاسی گلانی وت ماں وتاں اڈاند بندات بیت ھمے میان ءَ بلوچ ءِ سیاست ھم اسرمند ءُ بلوچ رھبر وتی ھکیگیں سیاست ءَ نہ زان انت ءُ بازیں ٹولی ءُ لیکھانی دست ءَ کارمرز بنت ءُ بلوچ ءِ سیاست ہم جیڑھانی دیمپانی آماچ بیت اِنت۔ ھمے میان ءَ بلوچ ءِ جتا جتائیں گل جوڑ بنت ءُ چندے سالاں پد دو بھر ءُ سَے بھر ءَ بنت۔ ھمے پیم ءَ بازیں کسانیں نودربر گلاں چہ نودربر سیاسی رھبر کائینت تپاک بنت ءُ 1967ءَ بلوچ نودربر گل ءَ جوڑ کن اَنت۔ بلے پد ےَ کمو وھد گوزگ ءَ پد بلوچ نودربر گل دو بھر ءَ بیت ءُ یکے انٹی سردار جوڑ بیت ءُ یکے پرو سردار۔

آیاں گوشت ھمے میان ءَ رودرتکی پاکستان (بنگلہ دیش) ءَ جتکو فرنٹ جوڑ بیت ءُ بنگلہ دیش ءِ آجوئی گپ ءَ جنت ءُ پاکستان ءَ گیشتریں آبادی چہ روبرکتی پاکستان (بنگلہ دیش) بیت اِنت ھمے سبب ءَ بنگلہ دیش ءِ مھلوک الیکشن ءَ کٹ ایت بلے پاکستانی سرکار ءَ بنگلہ دیش ءِ رھبراں نہ دے اَنت گُڑا ھمد ءَ چہ جیڑہ گیشتر بنت ءُ بنگلہ دیش ءَ راج پاد کیت ءُ چہ پاکستانءَ وتا آجو کنت۔ اے دور ءَ زولفقار علی بھٹو ءِ سرکار ءَ بیت کہ اسلامائزیشن کمو باز ھلاپ بیت بلے پوجی اقتدار ءَ اے دوست نہ بیت۔

نیاد ءَ گپ کنان ءَ آیاں گوشت کہ گُڑا اے میان ءَ ھم جیڑہ کیت ءُ سیاسی ءُ پوجی چِست ءُ ایر بندات بیت۔ اے شورش ءِ تہ ءَ پاکستان ءَ جھمنندیں آدگہ راج بلوچ، پشتون ءُ سیندھی یک تلّو ئے ءِ سر ءَ اوشت انت ءُ نیشنل عوامی پارٹی(نیپ) ءَ جوڑ کن انت ءُ کُلیں رھبر وتی راجانی گپ ءَ جن انت۔ پوجی اقتدار چہ اے پارٹی ءِ مُھکم بیگءَ تُرس ایت ءُ اے پارٹیءِ سر ءَ بندش جنت۔ نیپ ءِ بندش جنگ ءِ سر ءَ رضاءشاہ ءِ ھم دست ئے مان بیت بہ گندے آ گند ایت کہ بلوچ راجی جُنز دیم ءَ کیت گُڑا ایرانی بلوچستان ءَ ھم راجی جُھد بندات بیت ھمے ھواری ءَ گل ءِ کُلیں رھبر گرگ ءُ زندان کنگ بنت چہ اشی ءَ پد بھٹو ءِ سر ءَ ھم بھتام لگ ایت ءُ آ ھم پاھو دیگ بیت ءُ راہ ءَ چہ دیر کنگ بیت۔

انچو بلوچ سیاست ءِ تہ ءَ ھم شعوری ءُ راجی لوٹانی سر ءَ سیاست باز کم گندگ ءَ اتکگ۔ بلوچ سیاست ھم جیڑھانی دیمپانی بیت ءُ جُتا جُتائیں پارٹی ءُ گل جوڑ بنت ءُ پد ءَ پُرْش انت ءُ دو بھر ءَ بنت۔ این ڈی پی جوڑ بیت پد ءَ پُرْش ایت ءُ پی این پی جوڑ بیت۔ اشاں چہ پد پی وائی ایم جوڑ بیت ءُ پد ءَ بی این وائی ایم جوڑ بیت۔ ھمے ھواری ءَ بلوچ ءِ سیاست پُرْشت ءُ پروش ءِ آماچ بیان مرچی ٹُکُر ٹُکُر ءُ ٹولیانی تہ ءَ اِنت۔ اے کُلیں پُرْشت ءُ پروش ءِ سبب اے بیتگ کہ وتی میان ءَ جیڑھانی گشینگ نہ بیتگ انت بلکیں زاتی واھشتانی سر ءَ وت جُتائیں گل جوڑ کنگ بیتگ ءُ دومی ءَ چہ گِستا بیتگ انت۔ جیڑہ راجی لوٹانی سر ءَ نہ بیتگ اَنت بلکیں زاتی جیڑھانی سر ءَ بیتگ اَنت۔

انیگیں دور ءَ کہ باز ھمے گپ ءَ جنت کہ بلوچ تپاک نہ اِنت بلے اگاں کمو مزن بہ چارئے تاں گندے کہ بلوچ ءِ سیاست ءِ تہ ءَ باز نزوریاں ابید مرچی شعور اتکگ کہ اشانی تہ ءَ نودربر ءِ کرد دُرستاں چہ دیم ءَ اِنت۔اے یک زینتے چہ ڈن ءَ آرگ بیتگ کہ بلوچ تپاک نہ اِنت نی لس مھلوک ھمے جیڑ ایت کہ تپاکی نیست ءُ آ چہ سیاست ءَ دلپروش بیت بلے اسل ءَ چُش نہ اِنت مرچی بلوچ نودربر سیاست ءِ تہ ءَ باز جیڑھاں پد ھم باز جاہ ءَ تپاکی ھست۔ اے یک پندلے آرگ بیتگ ءُ یک ہدّے ءَ سوبمند ہم بیتگ کہ بلوچ تپاک نہ اِنت دانکہ مئے لس مھلوک ھمے ماژگی نادرُھیانی ءِ آماچ بہ بیت۔ بلوچ ءِ تہ ءَ نودربر سیاست ءِ چمود ءَ بھر ءُ بانگ بیگ ءَ پد ھم مرچی وتی راج ءِ تہ ءَ جاھے نہ جاھے وتی کرد ءَ اد ءَ کنگ اِنت ءُ باز جاہءَ تپاکی ءِ جلکش ہم گندگ ءَ کیت۔ ایندگہ راجانی نسبت ءَ بلوچ نودربر سیاست ءِ تہا زمین ءُ آزمان پرک گندگ ءَ کیت بلے انگت ہم مئے میان ءَ باز نزوری ءُ بے زانتی ھست کہ وھد ءِ سر ءَ کم کم ءَ ھلاس بیت ءُ ما تپاک بہ ایں –

نوکتریں

پریمئیر لیگ فٹبال گوازی ٹوٹنھم ءُ مانچسٹر یونائیٹڈ ءَ گوازی کٹ اِتگ اَنت

چارشمبے ءِ روچ ءَ بوتگیں یورپئین پریمئیرلیگ فٹبال گوازی ءَ ٹوٹنھم ءَ لسسٹر سٹی ءِ دیم ءَ سَے پہ دو ءُ...

کولواہ ءَ زورگیریں پوج ءِ کاروان ءِ سر ءَ بوتگیں اُرش ءِ زمّہ واری بی این اے ءَ منّ اِتگ

بلوچ آجوئی لوٹوکیں سلاہ بندیں گل بلوچ نیشنلسٹ آرمی ءِ جارکش مُرید بلوچ ءَ رسانکدراں وتی شنگ کرتگیں درشان ءِ تہ...

بلوچستان شاھدربرجاہ ءَ بیگواھیں نودربرانی یل کنائینگے ھاتر ءَ زھرشانی

بلوچ نودربر آلائنس نیمگ ءَ مروچی بلوچستان ءِ بنجاھی شھر شال ءَ بلوچستان شاھدربرجاہ ءَ چہ زورانسری آوار جنگ بوتگیں نودربر...

سرکار ءَ داتگیں بیگواھیں مردمانی لڑ ءِ تہ ءَ انگت بازیں کساس ءَ مردم بیگواہ انت – نصراللہ بلوچ

بلوچستان ءَ زورانسری آوار جنگ بوتگیں سیاسی باسکانی پانکجنیں گل وائس فار بلوچ مسنگ پرسنز ءِ سرکماش نصراللہ بلوچ ءَ وتی...