ماھنور بلوچ ءُ آسما بزنجو ءِ گپ ءُ رپ-ماھنور بلوچ

الم بوانیت

آھوگ تو اے وڑ مہ کُتیں۔۔۔ – بالاچ قادر

آھوگ تو اے وڑ مہ کُتیں۔۔۔ بالاچ قادر دی بلوچستان پوسٹ گُل ترا یات بیت ھما وھدی کہ توءُ دگہ سنگتے مئے...

کمےّ وھد کشّ – منھاج مختار

کمےّ وھد کشّ منھاج مختار دی بلوچستان پوسٹ تو ھم زانئے کہ من ترا گشگایاں بلے اگاں ترا موھ رست منی اے...

بلوچستان ءِ آجوئی ءِ ترس ءُ پاکستانءِ نوکیں پالیسی: نبشتہ حکیم واڈیلہ

گوشنت زوراک وھدءِ وتا نزور بیگءَ گندیت اگں ماریت گڑا آوتی سرجمیں زورا جنت ءُ وتی زوراکیءَ برجم دارگءِ...

نبشتانک: ماھنور بلوچ ءُ آسما بزنجو ءِ گپ ءُ رپ

نبشتہ کار : ماھنور بلوچ

دی بلوچستان پوسٹ

آسمابزنجو : Droth o salam، Chetor ey. Mani Friend Request a accept bikin
ماھنور بلوچ : دْروت ءُ دْراہ بات ئے، مِنّتوار۔ ھو، من اکسیپٹ ئِے کن آں بلے تو بہ گْوش کہ بلوچی گوں بلوچی آباں چے ءَ نبشتہ نہ کن ئے؟-

آسما بلوچ : من گوں بلوچی آباں نبیسّگ ءَ ھیل نہ آں ءُ بلوچی سک گِران اِنت پمیشکا من جُھد ھم نہ کُتگ۔

ماھنور بلوچ: تئی وڑ ءَ پیسر ءَ ما ھم بلوچی نبشتہ ھیل نہ اِت ایں، بلے یک سرپدی یے بہ دئے کہ بلوچی چتور گِران اِنت وھدے کہ تو جُھد ھم نہ کُتگ؟ انچوشکہ تو وت گْوشگ ءَ ئے کہ تو پہ بلوچی دربرگ ءَ انگت جُھد ھم نہ کُتگ!-

آسما بلوچ: اِنّا، من بلوچی وانگ ءَ زبر آں ءُ من ونت ئِے ھم کن آں بلے بلوچی نبشتہ کنگ گِران اِنت ءُ نبیسّگ ءِ وھد ءَ منی دست ءَ سک باز ردی بیت من وانگجاہ ءَ بلوچی نہ ونتگ پمیشکا شر نبیسّگ نہ زان آں۔

ماھنور بلوچ : ما ھچ کس ءَ ماں وانگجاھاں بلوچی نہ ونتگ ءُ ناں کہ ما بلوچاں ماں وانگجاھاں مئے جِند ءِ راجی زُبان وانینگ بیت ما زیردستیں راج وتی راجی زُبان ءَ وتی دزھُورکی ءِ وھد ءَ وت وانگ ءُ دربرگ ءَ ایں۔ شمئے ڈول ءَ ما ھم پیش ءَ راجی زُبان ءِ وانگ ءُ نبشتہ نزور اِت ایں بلے ما وتی جُھد برجاہ داشتگ ءُ وتی راجی زُبان دربُرتگ البت اگاں کسے بلوچی وانگ ءَ ھیل نہ اِنت گُڑا کم کم ءَ بلوچی درونتاں بِوان ایت ءُ بلوچی وانگ ءَ ھیل بہ کنت وھدیکہ کہ تو بلوچی درونت سرجمی ءَ ونتگ اَنت گُڑا تو بلوچی نبشتانک ءُ آزمانکاں بہ وان ئے پد ءَ کم کم ءَ وت نبشتہ ھیل کن ئے نَیکہ یکپارگی نبیسّگ ءَ بندات بہ کن ئے باید اِنت تو نبیسّگ ءِ وھد ءَ اشتاپ مہ بہ ئے بلکیں ھر وڑیں گالرِدے نبیسّ ئے گُڑا ھمے گالرِد ءَ دو سے رَند ءَ وت چمشانک دیان ءَ راست بہ کن، بلے تو انگت ءَ ھال نہ کُتگ کہ تو چُنت روچ ءُ ماہ ءَ بلوچی درونت ونتگ ءُ انگت ءَ پہ وتی جِند ءِ ماتی زُبان ءِ نبشتہ سْیاھگ ءِ دربرگ ءَ بے سوب بوتگ ئے؟-

آسما بزنجو : اِنّا من بلوچی درونت وت انگت نہ ونتگ اَنت ءُ ناں کہ من درونتانی وانگ بِندات کُت، بس بلوچی آزمانک ءُ نبشتانکاں وانگ ءَ آں بلے انگت شر نبشتہ نہ زان آں۔

ماھنور بلوچ: اگاں تو درونت ءِ جِند نہ ونتگ اَنت گُڑا تو چے ھساب ءَ گْوش ئے بلوچی گِران اِنت؟ تو ھشت سال پہ ھندی ءِ دربرگ ءَ ءُ دہ یا دوازدہ سال پہ انگریزی ءِ وانگ ءُ دربرگ ءَ دات بلے تو انگت شر انگریز ھم نبشتہ کُت نہ کن ئے پد ءَ ھم گْوش ئے کہ بلوچی گِران اِنت؟ دومی تو گْوشگ ءَ اِت ئے کہ منی دست ءَ ردی بیت بلے منی دزگْوھار زاناں تو وانگجاہ ءِ چکاساں ردی نہ کُت؟ زاناں ما پِرشتگ ایں کہ ما ردی مہ کن ایں؟ ردی وَ بنی آدم ءِ دست ءَ بیت۔ باید انت ما چہ ردیاں مہ تُرس ایں بلکیں چہ وتی ردیاں دربر ایں۔

آسما بزنجو : اِنّا من ءَ انچوش لگ ایت بلکیں بلوچی دربرگ گران اِنت ءُ پہ بلوچی دربرگ ءَ سک جُھد لوٹ ایت، وھد لوٹ ایت! گُڑا تئی گْوشگ ءِ رِد ءَ اگاں من بلوچی درونتاں بِوان آں گُڑا من دربر آں؟-

ماھنور بلوچ : بلوچی نبشتہ دربرگ پہ بلوچ ءَ گِران نہ اِنت، بلوچی مئے وتی راجی ءُ ماتی زُبان اِنت پمیشکا پہ ما بلوچی نبشتہ دربرگ سک آسان اِنت، انچوشکہ بلوچی مئے وتی شھدیں زُبان ءُ راجی پجّار اِنت پمیشکا بلوچی دربرگ جُھد وَ ناں بلکیں واھگ، مھر ءُ دلبڈی لوٹ ایت۔ باید اِنت ما اشتاپ مہ کن ایں بلکیں پیسر بلوچی درونتاں ھورت ءُ دلگوشی ءَ وان این ءُ نبشتہ سْیاھگ ءِ نامگال، کارگال، کُمکّار گال، تپورگال ءُ ستاگالانی وڑیں بُندری چیزاں بہ زان ایں گُڑا ما وت دربر این ءُ زان ایں کہ بلوچی سْیاھگ ءُ نبشتاری چے یے۔

آسما بزنجو : ھو منی دزگْوھار تو راست گْوشگ ءَ ئے باید انت ما چہ ردیاں دلاپ مہ بَہ ایں بلکیں درونتاں وانان ءُ نبشتہ بہ کن ایں۔

ماھنور بلوچ : جی ھو ھمے وڑ اِنت سرجمیں درونتانی وانگ ءَ رَند ھر چیزے کہ ما نبیسّ ایں گُڑا دو رَند ءِ وت وتی نبشتگیناں چمشانک بہ دے ایں، وتی ردیاں وت راست بہ کن ایں مستریں گپ ایش انت کہ ما گُلامیں راج ءَ ما وانگجاھاں مئے راجی زُبان ماں وانگجاھاں وانینگ نہ بیت اگاں ما پیسبُک، ٹیلی گرام ءُ وٹس ایپی گلاں اڈ کنین ءُ وتی لوگ ءُ کُٹم ءِ مردماں، یا وتی دمک ءِ بلوچاں راجی زُبان ءَ بہ وانین ایں گُڑا بزاں ما پہ راج ءَ چیزے کنگ ءَ ایں چی ءَ کہ اگاں یک راجے زُبان دوست ءُ راجدوست بیتگ گُڑا آ راج وتی گلامی ءُ زیردستی ءَ مار ایت زُبان دوست ءُ راجدوستیں مھلوک وتی راجی گلامی نہ منّ اَنت انچوشکہ بنگلہ دیش مئے دیم ءَ اِنت دومی ما گوں سرجمیں راج دزبندی کن ایں کہ بلوچی بزانت بلد (ڈِکشنری) ءُ بلوچی کیبورڈ ءَ ماں وتی گْوانکواں ایرگیج اِت کہ اِے دْراہ شُمارا ماں واجہ گوگل ءَ رس اَنت۔ ماں پیسبُک ءَ بلوچی لینگویج ءُ بلوچی لرنِنگ ءِ گلاں ھوار بِہ اِت ءُ وتی سْیاد ءُ سنگتاں ھم اِنوائیٹ بہ کن اِت باید اِنت ما دْراہ وتی راج ءَ بزانت بلد ءُ بلوچی کیبورڈ ءِ ایرگیجگ ءُ کارمرزی ءِ بابت ءَ سرپدی بہ دے ایں اگاں کسے نہ زانت گُڑا جُست بہ کنت ما ھم سرپدی دے ایں۔

آسما بزنجو : باز مِنّتوار آں کہ تو من ءَ باز جْوانیں وڑے ءَ سرپدی داتگ۔ نوں من پوہ بیتگ آں کہ اگاں ما دْراہ ھمے داب ءَ جُنزان بہ این ءُ وتی بزگیں بلوچ راج ءَ ماں راجی زُبان ءِ وانگ ءُ زانگ ءَ سرپدی دیان ءَ کُمک بہ کن ایں گُڑا مئے بلوچ راج ءِ راجی زُبان پُشت ءَ نہ روت بلکیں دگریں راجانی زُبان ءِ وڑ ءَ دیمروئی کنت۔ چوناھیگا ما بلوچے ایں ءُ بلوچی ما چہ وتی مات ءَ دربُرتگ پمیشکا بلوچی ءَ ما ابرمی سرپد بَہ ایں اگاں ما پہ راجی زُبان ءِ وانگ ءُ نبشتہ دربرگ ءَ جُھد بہ کن ایں گُڑا وت زوت راجی زُبان ءِ وانگ ءُ نبشتہ بَلد بہ ایں بس راجی زُبان ءَ وانگ ءَ ھجبر اوشت ءِ آماچ مہ بَہ ایں گُڑا ما وت دربر ایں ءُ دیم ءَ ھم بہ وانین ایں چی ءَ کہ ما بلوچ ایں ءُ راجی زُبان ءِ ھزمت مئے تیوگیانی راجی زمہ واری اِنت۔ باید انت ما ھر یکے گوں پھر ءُ ناز ءَ وت ءَ راجی زُبان ءِ جُھدکار ءُ ھزمتکار بہ منّ ایں گُڑا ما راجدوست بَہ ایں بلوچی شالا دیمروئی کنات ءُ بلوچستان آجو بات۔


دی بلوچستان پوسٹ: اے نبشتانک ءِ تہ ءَ درشان کُتگیں ھیال ءُ لیکہ نبشتہ کارے جِندئیگ اَنت، الّم نہ اِنت کہ دی بلوچستان پوسٹ رسانک نیٹورک ایشانی منّوک بہ بیت یا اگاں اے گل ءِ پالیسیانی درشانی اِنت۔

نوکتریں

سرکار میڈیکل نودربرانی جیڑہ ءِ سر ءَ دیھان دیگ وتی جاہ ءَ آ ھکومت رکینگ ءَ دلگوش اَنت- نودربر

میڈیکل انٹری چکاس ءِ اَسرکپتگیں نودربراں شال ءِ پریس کلب ءَ گپ ءُ تران کنان ءَ گْوشتگ کہ بلوچستان ءَ وانگی...

بلیدہ ءَ پاکستانی پوج ءِ سر ءَ اُرش، اُرش ءِ زمّہ واری بی ایل اے ءَ منّ اِتگ

بلیدہ گلی ءَ پاکستانی پوج تراک ناکیں شوروانی نشانگ جوڑ کتگ - جئیند بلوچ سربوتگیں ھالانی رِد...

چہ دو سالاں بیگواھیں نیاز اھمد یل کنگ بہ بیت اِنت – حوا بلوچ

بلوچستان ءِ دمگ کیچ ءِ ھند تمپ ءِ جھمنندیں حوا بلوچ ءَ چاگردی رسانکجاھاں وتی یک شنگ کرتگیں درشانے ءَ گشتگ...

گوادر: بیگواھیں مردمانی یل نہ بیگ ءِ ھلاپ ءَ زھرشانی بنجل

بلوچستان ءِ تیابدپی شھر گوادر ءَ ھمے ماہ ءَ پاکستانی پوج ءِ دست ءَ دزگیری ءَ پد بیگواہ بیتگیں ورنا ءِ...