نا پھریز اِتگیں باھوٹی بلوچ- ٹی بی پی شونگال

الم بوانیت

آھوگ تو اے وڑ مہ کُتیں۔۔۔ – بالاچ قادر

آھوگ تو اے وڑ مہ کُتیں۔۔۔ بالاچ قادر دی بلوچستان پوسٹ گُل ترا یات بیت ھما وھدی کہ توءُ دگہ سنگتے مئے...

کمےّ وھد کشّ – منھاج مختار

کمےّ وھد کشّ منھاج مختار دی بلوچستان پوسٹ تو ھم زانئے کہ من ترا گشگایاں بلے اگاں ترا موھ رست منی اے...

بلوچستان ءِ آجوئی ءِ ترس ءُ پاکستانءِ نوکیں پالیسی: نبشتہ حکیم واڈیلہ

گوشنت زوراک وھدءِ وتا نزور بیگءَ گندیت اگں ماریت گڑا آوتی سرجمیں زورا جنت ءُ وتی زوراکیءَ برجم دارگءِ...

نا پھریز اِتگیں باھوٹی بلوچ

ٹی بی پی شونگال

افغانستان ءِ شھر اسپین بولدک ءَ یک رندے پد ءَ چار بگٹی بلوچ باھوٹی نشانگ کنگ ءُ جنگ بیتگ اَنت، کہ اِشی ءِ سوب ءَ چاریں باھوٹی ایں بلوچ بیران بیتگ اَنت۔ اے ھال ءِ سدکی کنان ءَ بلوچ ریپبلکن پارٹی ءِ سروک ءُ بگٹی ٹک ءِ سرکماش براھمدغ بگٹی ءَ چاگردی اھوالانی تند جاہ ٹوئٹر ءَ بھتام جنان ءَ گُشت کہ “پاکستانی چیریں گل اے اُرش ءَ ھوار اَنت”

یک شمبے ءِ روچ ءَ بیران بیتگیں چاریں بلوچ باھوٹیانی پجار چہ غلام نبی بگٹی، جنگی بگٹی، ساکا بگٹی ءُ امیر جان بگٹی ءِ ناماں بیتگ۔ اھوالانی رد ءَ اے ھما بگٹی باھوٹی بیتگ اَنت، کہ سال 2006 ءَ نواب اکبر خان بگٹی کہ یک پوجی آپریشنے ءَ نمیرانی ءَ پد لڈ اِتگ ءُ افغانستان ءَ شُتگ اَنت۔

بلوچستان ءَ بیوکیں یک شلیں آپریشناں چہ پھریزگ ءِ ھاتر ءَ یک نیمگے ھزارانی کچ ءَ بلوچ مھلوک سند ءُ پنجاب ءَ لڈگ ءَ لاچار بیتگ اَنت ھمود ءَ دومی نیمگءَ جنگی تاوان ءَ چہ پھریزگ ءِ ھاتر ءَ مزنیں کساسے ءَ بلوچاں لڈ اِتگ ءُ افغانستان ءَ شتگ اَنت ءُ باھوٹی ءِ زند گوازینگ ءَ لاچار اَنت۔ اے وھد ءَ افغانستان جھان ءَ درستان گیشتر بلوچاں باھوٹ دیوکیں ڈیھ اِنت۔ ھمے پیم ءَ بلوچستان ءِ مکران ءِ دمگاں چہ مزنیں کساسے ءَ بلوچاں لڈ اِتگ ءُ گولڈ سمڈ کِشک ءِ دومی نیمگ روکپتی بلوچستان ءَ زند گوازینگ ءَ اَنت۔

لڈگ ءَ ابید ھم، بد بھتی ءُ جنگ ءِ سانمندی اے بلوچانی رند ءَ اے دومی ڈیھاں ھم سر بیتگ۔ بلوچ پناگیر، اے ڈیھانی تہ ءَ ابید کجام ھم جھانی کمک ءِ بے کساس بزگی ءُ نیزگاری ءِ جاورانی تہ ءَ نا پھریزگیں زند گوازینگ ءَ لاچار اَنت۔

گوستگیں لھتے سالانی تہ ءَ مزنیں کساسے ءَ بلوچ افغانستان ءُ روکپتی بلوچستان (ایران) ءَ نشانگ کنگ ءُ جنگ بیتگ اَنت۔ بلوچ رھشون ءُ ھما ڈیھانی واکدار، اے اُرشانی بھتام ءَ پاکستانی چیریں گلانی سر ءَ جنگ ءَ اَنت۔ چاگردی رسانکدراں بلوچ باھوٹیانی سر ءَ بیتگیں اے اُرشانی درشانی ھما اکاونٹاں چہ بیگ کہ آ پاکستانی پوج ءَ بندوک زانگ بنت، اے بھتاماں گیشتر توانا مند کنت۔

دی بلوچستان پوسٹ ءَ گوستگیں لھتے سالانی تہ ءَ بیتگیں اُرشانی یک کساسے جم داتگ، کہ اشانی چارگ ءَ چہ زانگ بیت کہ بلوچ باھوٹی چونیں بزگی ءِ زند گوازینگ ءَ اَنت۔ جھل ءَ داتگیں لَڑ ھمے کساسانی یک کسانیں بھرے۔

۔ 3 مئی 2018 ءَ روکپتی بلوچستان ءَ یک باھوٹی بلوچ عیسیٰ ء محراب گرگی ءِ ھند ءَ تیر گواری ءِ تہ ءَ جنگ بیتگ۔
۔ 22 مئی 2018 ءَ ناشناسیں سلاھبندیں مردماں دگہ دو بلوچ باھوٹی پرزاد ءُ نورجان دشتیار ءِ دمگ ءَ نشانگ کُتگ ءُ جتگ اَنت کہ اِشی ءِ آسر ءَ آ دوئیں بیران بیتگ اَنت۔ 22 جون 2018 ءَ افغانستان ءِ دمگ اسپن بولدک ءَ باھوٹی بلوچانی یک اولاکے آئی ڈی اُرش ءِ نشانگ کنگ بیتگ اَت۔
۔9 ستمبر 2018 ءَ بلوچ ورناہ سورج ء اقبال سراوان، ایران ءَ تیر گواری کَنگ ءُ کُشگ بیتگ۔
۔8 اکتوبر 2018 ءَ چابھار ءَ نثار زامرانی نامیں باھوٹی بلوچے نشانگ کنگ ءُ جنگ بیتگ ۔10 مئی 2019 ءَ افغانستان ءِ شھر کندھار ءَ یک بلوچ باھوٹی ءِ لوگ ءِ سر ءَ وی بی آئی ڈی اُرش کنگ بیتگ۔ ھمے باھوٹی بلوچانی سر ءَ اے اُرش ءَ لھتے روچ پیسر بنجاھی بازار ءَ ھم نشانگ کنگ بیتگ اَت بلے آ اُرش کار ءَ بے سلاہ کنگ ءُ وتی پھریزگ ءَ سوبمند بیتگ اَت۔

۔24 مئی 2019 ءَ کندھار ءِ ھنکین عینومینہ ءَ بگٹی باھوٹی بلوچے ئے یک اولاکے آئی ای ڈی اُرش ءِ نشانگ کنگ بیتگ اَت، کہ اِشی ءِ سوب ءَ جنین آدم ءُ زھگ ٹپی بیتگ اِت اَنت۔28 مئی 2019 ءَ یک رندے پد ءَ ناشناسیں مردماں کندھار ءَ باھوٹی بلوچانی یک لوگ ئے ئِے سر ءَ دز بمب اُرشے کنگ بیتگ اَت۔ 2 جولائی 2019 ءَ کندھار شھر ءَ ناشناسیں مردماں باھوٹی بلوچ عرض محمد مری تیر جتگ ءُ کُشتگ اَت۔25 جولائی 2019 یک برے پد ءَ باھوٹی بلوچانی لوگانی سر ءَ کندھار ءَ دزبمباں گوں اُرش کنگ بیتگ اَت۔22 اگست 2019 ءَ سَے باھوٹی بلوچ ایران ءِ دمگ درگس ءَ تیر گواری کنگ ءُ جنگ بیتگ اِت اَنت۔ بیران بیتگیں مردمانی پجار اسحاق، وحید ءُ بیتگ اِت اَنت۔24 دسمبر 2019 ءَ باھوٹی بلوچے ءِ لوگ ءِ سر ءَ آئی ای ڈی اُرش کنگ بیتگ اَت۔ کہ اِشی ءِ آسر ءَ جنین آدم ٹپی بیتگ اِت اَنت۔ 3 فروری 2020 ءَ ایران ءِ دمگ درگس ءَ باھوٹی نودء حمل تیر جنگ ءُ کُشگ بیتگ اَت۔ 5 مارچ 2020 ءَ ایران ءَ دو جتائیں اُرشانی تہ ءَ دو باھوٹی بلوچ بیران بیتگ اِت اَنت۔ اولی اُرش چابھار ءَ بیتگ کہ اود ءَ رحمدل ء عبداللہ جنگ بیتگ اَت، وھدیکہ ماسٹر علی سراوان ءَ تیرانی آماچ کنگ بیتگ اَت۔ 25 اپریل 2020 ءَ ایران ءَ یک باھوٹی بلوچے زاھد بلوچ ءُ آئی ءِ یک سنگتے تیر گواری ءَ کنگ بیتگ اِت اَنت۔ 30 اپریل 2020 ءَ عبدلوحید ء شفی محمد ایران ءِ شھر احمد آباد میں تیر جنگ ءُ کُشگ بیتگ اَنت۔
۔12 اگست2020 ءَ یک ورنائیں بلوچے کہ آئی ءِ نام فارس بلوچ بیگواھی ءَ پد، آئی ءِ تیر سُبتگیں جون ایران ءِ دمگ درگس ڈیم ءِ نزیک ءَ دور دیگ بیتگ اَت۔
۔20 دسمبر 2020 ءَ ناشناسیں سلاھبندیں مردماں افغانستان ءِ دمگ کندھار ءَ بلوچ باھوٹیانی یک گاڑی ءِ تیرگواری ءِ نشانگ کُتگ اَت کہ اشی ءِ سوب ءَ گلبھار بگٹی ءُ آئی ءِ زھگ مراد علی بگٹی بیران بیتگ اِت اَنت۔ سال 2011 ءَ ھم گلبھار بگٹی ءِ لوگ ءِ سر ءَ یک وتکُشیں ارشے کنگ بیتگ اَت کہ اُرش ءِ سوب ءَ آئی ءِ یک زھگے درخان بگٹی وتی سنگتی ءِ ھمراھی ءَ بیران بیتگ اِت اَنت- 9 جنوری 2021 کندھار ءَ بلوچ پناگیرانی یک لوگے ءِ سر ءَ گوں بمباں اُرش کنگ بیتگ اَت ، اِشی ءِ آسر ءَ لوگ تاوان بار بیتگ بلے اود ءَ زندگوازینوکیں پناگیر ناگتی رک اِتگ اَنت – 12 مارچ 2021 ءَ سلاہ بندیں مردماں باھوٹی بلوچ عبدالرحمان آئی ءِ لوگ ءِ تہ ءَ تیر جنگ ءُ کُشگ بیتگ اَت ۔

بلوچ پناگیرانی سر ءَ اُرش ءُ بیھارانی درچ تھنا افغانستان ءُ ایران ءَ داں بندوک نہ اَنت۔ داں انگت سند ءُ پنجاب ءِ جتائیں دمگاں چہ بازیں بلوچ پناگیر دزگیر کنگ ءَ پد بیگواہ کنگ بیتگ اَنت۔ ھمے پئیم ءَ روکپتی ڈیھاں جھمنندیں بازیں بلوچ باھوٹیاں گمانی دروشم ءَ پاکستانی چیریں ادارگانی نیمگ ءَ بیھار رس اتگ اَنت۔ بلوچانی اگبالانی ھاتر ءَ جھد کنوکیں بازیں گل بلوچ اھوالکار ساجد ھسین ءُ بلوچ رھشون کریمہ بلوچ ءِ کوش ءِ بھتام ءَ ھم پاکستانی چیریں گلانی سر ءَ جن اَنت۔

بلوچ سیاسی پاٹیانی میان اُستمانی گلاں چہ اے ھم گلگ بیتگ کہ نہ تھنا بلوچ پناگیر پھریزگ بیگ ءَ نہ اَنت بلکیں آیاں یو این ایچ سی آر ءَ ھم رجسٹر کنگ نہ بیگ ءَ اِنت۔

وھد اَتکگ کہ نوں میان اُستمانی انسانی اگبالانی گل، ھاس یو این ایچ آر سی بلوچ باھوٹیانی پھازگ ءَ باوری بہ کنت۔ اے باھوٹ دیوکیں ملکانی ھم زمہ واری جوڑ بیت کہ جھانی رھبندانی رد ءَ اے پناگیرانی پھازگ ءَ وتی ڈیھانی تہ ءَ باوری بہ کن اَنت۔

نوکتریں

شال: بیگواھیں مردمانی کھولاں شدکشیں ھرتالی بنجل ءَ پریس کانفرنس

پاکستانی پوج ءِ دست ءَ زورانسری آوار جنگ بیگواہ بوتگیں ودود ساتکزئی، آصف بلوچ ءِ گھار ءُ رشید بلوچ ءِ وارس...

کیچ سلاہ بندیں مردمانی تیرگواری ءَ یک مردم ءِ بیران

سربوتگیں ھالانی رِد ءَ بلوچستان ءِ دمگ کیچ بلیدہ ءَ سلاہ بندیں مردماں ورناھے تیرباران کُتگ ءُ کُشتگ - گیشیں ھالانی رِد ءَ کیچ ءِ دمگ بلیدہ ءَ ناشناسیں سلاہ بندیں مردمانی تیر گواری ءَ سھیل ء لطیف نامی ورناھے بیران بوتگ - سھیل پیسر ءَ پروم ءِنندوک بوتگ ھستیں وھد ءَ آ بلیدہ ءَ جاھمنند بوتگ، کہ مروچی بیگاھے ادار سَے ءِ نزیک ءَ وتی دکان ءَ نندوک بوتگ - دمگی مردمانی رِد ءَ سھیل گریب ءُ بزگریں ورناھے بوتگ کہ سلو ءَ وتی گریس ءِ دکان ءَ نندوک بوتگ کہ سلاہ بندیں مردماں سر بازار اتکگ ءُتیرباران کتگ ءُ کُشتگ - زانگ بہ بیت چدوپیسر پاکستانی پوج ءَ اے ورناہ دہ جون سال دوھزار ءُ شانزدہ ءَ زورانسری آوار جتگ ءُ بیگواہ کتگ ءُ پدا شانزدہ جنوریدوھزار بیست ءَ چار سالاں بیگواھی ءَ پد یل کنگ بوتگ -  بلے مروچی بوتگیں آئی کوش ءِ درگت ءَ ھچ وڑیں سرجمیں ھال دیم ءَ نہ اتکگ - دمگی مردمانی رِد ءَ ھمے گمان بیت گوست ءِ وڑءَ اے ورناہ ھمدمگی کُشندہ ٹولیانی کارمنداں جتگ -

وام دار -سربیا |خالد بند اسلام |مھروان کمبر

نبشتانک: وام دار نبشتکار: سوتیوزاز کورووچ (سربیا) اردو رجانک: خالد بن اسلام

لاگریں کپودر ءُ مئے چاگرد- گلستان بلوچ

نبشتانک: لاگریں کپودر ءُ مئے چاگرد نبشتہ کار: گلستان بلوچ دی بلوچستان...