پنجگور ءَ بیران بیتگیں بی اِل اِپ ءِ کماندار ءُ ھمراھاں سھر چکیں دروت

الم بوانیت

بلوچ لبریشن آرمی ءِ سروک بشیر زیب بلوچ ءَ چاگردی رسانکجاہ ٹوئیٹر ءَ وتی شنگ کرتگیں درشان ءِ تہ ءَ پنجگور پروم ءَ بیران بیتگیں بی اِل اِپ ءِ کماندار میجر نورا بلوچ ءُ آئی ءِ ھمراھاناں سھر چکیں دروت ندر کرتگ ءُ گْوشتگ کہ شھید نورا پنام ءِ پیرک ءَ سھرچکیں دروت ندر کن آں آ یک بودشتکار ءُ پرارزشتیں سِنچانی واھند بیتگ-

آئی ءَ دیم ترا گْوشتگ کہ نورا بلوچ زومندیں ھم سنت “براس ” ءِ دروشم ءَ یکجاھی ءَ بازیں کردمان پیلو کرتگ اَنت ءُ گڈی دم ءَ داں اے راھے پلگارگ ءَ جھدان بیتگ-زرمبشت بھادریں سرمچار مھکمیں کردمان ءِ واھند ءِ سر ءِ دیمھونی درسیں جھدکارانی رھشونی ءَ کن اَنت –

دومی نیمگ ءَ بلوچ آجوئی دوستیں رھشون واھد کمبر بلوچ ءَ پروم ءَ شھید بیتگیں مردماں ھم سھر چکیں دروت ندر کرتگ ءُ گوشتگ کہ آجوئی ءِ راہ ءَ پروم ءَ شھید بیتگیں نورا ء شیردل پنام ءِ پیرک، نواز ء ھاجی گلام ھسین، ابدلمالک ء ھاجی گلام ھسین، مومن ء مھمد اَزیم ءَ سھر چکیں دروت ندر کن آں،

آجوئی دوستیں رھشون واھد کمبر ءَ دیمترا گْوشت کہ شھیداں دشمن ءِ دیم ءَ سر جھل کنگ ءَ ابید وتی سر بُرز کرتگ ءُ بامردی ءِ دروشم ءَ جنگ داتگ، راجی جھد ءَ ورنایانی دیمھونی پہ آجوئی ءَ ھمسنگریں جھدکارانی رھشونی اَنت،

شھید نورا، شھید نواز ءِ دیمھونی جھد ءِ آجوئی ءَ بے مٹ اَنت، آ سلامتیں ھوش، زانتکار، راجداری باسک ءُ چیرجنگی ءِ جوانتریں ھمراہ بیتگ اَنت اے گپ تچک اِنت کہ پروم ءَ شھیدانی شھیدی ءَ یک تاوانی ءِ بلے آیانی شھیدی ءُ دشمن ءِ گون ءَ دراجیں وھدے ءَ جنگ کنگ ءَ پد شھید بیگ سھرائی ءِ نشانی اَنت،

ھمے وڑ ءَ بلوچ ریپبلکن گارڈز ءِ جارکش دوستین بلوچ ءَ رسانکدراں شنگ کرتگیں درشان ءِ تہ ءَ گوشتگ کہ من بی اِیل اِیپ ءِ ھر چاریں سرمچاراں مجیر نورا پیرک، لیپٹنٹ نواز بلوچ، سرمچار مالک بلوچ ءُ مومن بلوچ ءَ سھر چکیں دروت ندر کن آں ءُ ڈیھ پھازی ءُ ریاستی زوراگری ءِ بگیری ءَ شھیداں ھما راجدپتری جنگ کرتگ کہ بلوچ راجمان ءَ ھروھد ءَ یاتگیری بنت، پیرک بلوچ یک کم اُمرے بیتگ بلے زانت ءُ سرپدیں چیر جنگ کارے بیتگ، کہ آئی ءَ جنگ ءِ پِڑا یک نوکیں راھے پچ کرتگ،

دوستین بلوچ ءَ گْوشت کہ ورنایانی شھیدی ءَ جنگ ءَ ایر موش کنوکے ءِ واب گِندوکیں زورگریں لشکر ءُ آئی ھمکار یات بہ کن اَنت سرشھیدیاں زوگری ءِ بگیری گیشتر ودان بنت ءُ جنگ ءَ توان رَس اِت پرچاکہ بلوچ وتن یا کپن ءِ تہ ءَ سر پوش اِنت

نوکتریں