بلوچ لبریشن آرمی ءِ جارکش جیئند بلوچ ءَ وتی شنگ کرتگیں درشان ءِ تہ ءَ گوشتگ کہ مئے سرمچاراں شال ءُ کلات ءَ پاکستانی پوج ءِ سرا ارش کتگ ۔ کلات ءَ چیریں ھال ءِ سربوگ ءَ ارش کتگ زورگریں پوج سک باز تاوان داتگ وھدیکہ شال ءَ زورگریں پوج ءِ سرا آئی ای ڈی ارش ء کتگ ۔
جارکش ءَ گوشتگ کہ بلوچ لبریشن آرمی ءِ گچینی ٹولی فتح اسکواڈ ءَ کلات نیمرگ کراس ءَ پاکستانی پوج ءِ بروکیں کوچ ءِ سرا ارش کتگ ءُ بی ایل اے ءِ اے ارش انٹیلی جنس ونگ زراب ءِ ھال دیگ ءَ پد کنگ بوتگ ۔
آئی ءَ گوشتگ کہ زراب ھمے بس ءِ سرا بوتگ کہ زورگریں پوج ءِ کارمنداں چہ کراچی ءَ بہ گر شال ءَ برگ ءَ بوتگ ۔ ارش ءَ پوج ءِ 27 کارمند ھما دمان ءَ مرتگ ءُ بازینے زدگ بوتگ ۔
جارکش ءَ گوشتگ کہ بس ءَ کوالی گشوکیں ازمکار ھم سوار بوتگ انت بلے آ مئے نشانگ ءَ نہ بوتگ انت بلے آ زورگریں پوج ءِ ھمراھی ءَ سپر ءَ بوتگ انت ۔ اے درگت ءَ ما پیش ء گوشتگ کہ زورگریں پوج ءَ چہ وت ءَ دور بہ دار ایت تانکہ ھر وڈیں تاوان ءَ رک ایت بہ کن ایت ۔
جارکش ءَ گوشتگ کہ دومی نیمگ ءَ بلوچ لبریشن آرمی ءِ سرمچاراں شال ءِ دمگ ھزار گنجی ءَ زورگریں پوج ءِ گاڑی ءِ تراکناکیں شورانی نشانگ جوڈ کتگ چریشی ءَ زورگریں پوج ءِ دو کارمند ھما دمان ءَ مرتگ ءُ ھپت زدگ بوتگ انت ۔
جارکش جیئند بلوچ ءَ گوشتگ کہ بی ایل اے ھردو ارشانی زمہ واری ءَ من ایت ءُ اے گپ ءَ پدر کنت کہ مئے اے ارش زورگریں پوج ءِ بگیری ءَ سلاہ بندیں جھدے درچ انت کہ پہ بلوچستان ءِ آجوئی ءِ ھاتر ءَ برجاہ انت ۔ ما چہ بلوچ راج ءَ یکبرے پدا دزبندی کن ایں کہ آ زورگریں پوج ءِ بنجلاں چہ دور بہ بنت تاکہ ھر وڈیں تاوان ءَ چہ بہ رک انت ۔ ما اے کول ءَ کن ایں تانکہ مئے سرڈگار ءِ سرا زورگری برجاہ انت ما وتی گھگیری ءَ برجاہ دار ایں ء دشمن ءَ ھر جاہ ءَ آئی ءِ کتکاریانی ھساب ءَ دے ایں ۔