دُکی ءُ شال ءَ اُرشاں ایم آئی ءِ ایجنٹ ءُ سی ٹی ڈی ءِ کارندہ نشانگ کتگ انت- بی ایل اے

الم بوانیت

بلوچ لبریشن آرمی ءِ جارکش جیئند بلوچ ءَ رسانکدر ءَ شنگ کتگیں درشان ءَ گوشتگ بی ایل اے ءِ سرمچاراں دُکی ءُ شال ءَ دو جتا جتائیں اُرشاں زورگریں پاکستانی پوج ءِ کمکار ءُ سی ٹی ڈی ءِ کارگس نشانگ کتگ انت-

جارکش ءَ گوشتگ بی ایل اے ءِ سرمچاراں چار شمبے ءِ شپ ءَ دُکی ءَ زورگریں پاکستانی پوج ءِ وتگڑیں کاؤنٹر ٹیررازم ڈیپارٹمنٹ ( سی ٹی ڈی) ءِ کارگس ءِ سر ءَ دزبمبے چگل داتگ – تراک ءِ آسر ءَ سی ٹی ڈی ءِ یک کارندھے نورالدین زدگ بیتگ ءُ کارگس ءَ تاوان رس اتگ-

آئی ءَ گیش گوشتگ بی ایل اے ءِ سرمچاراں گوستگیں شپ ءَ شال سریاب، کیچی بیگ ءَ زورگریں پاکستانی پوج ءِ ملٹری انٹیلی جنس ( ایم آئی) ءِ کمکار مشتاق حسین ء علی نواز راٹھور جھمنند سندھ مورو ءِ سر ءَ تیرگواری کتگ ءُ کشتگ – اے کارندہ زورگریں پوج ءِ جاڑیگیں کارندھے بیتگ-

جارکش ءَ گوشتگ مشتاق حسین ءَ زورگریں پوج ءِ نیمگ ءَ سریاب ءَ ھوار شال ءِ دگہ جاھاں چیریں سیلز برجم کتگ ءُ چاریگری ءُ آسراتی کاری ءِ واستا مھلوک ءَ زیرگ ءِ ٹاسک دیگ بیتگ – اے سیلز ءُ ایشی ءَ ھمگرنچیں دگہ مردمانی پجار بیتگ انت زوت آیانی آسرال چو مشتاق حسین ءِ پئیم ءَ کنگ بیت انت-

جیئند بلوچ ءَ گوشتگ بلوچ لبریشن آرمی اے دوئیں اُرشانی زمہ واریاں من ایت-

نوکتریں