بلوچستان ءِ دمگ بارکھان ءِ ھند ءَ دوشمبے ءِ نیمروچ ءَ اُرشے ءِ سبب ءَ یک 12 سالی چُکے بیران وھدے کہ کم چہ کم دہ مردم ٹپیگ بوتگ انت۔
اُرش ءَ بیران بیتگیں گونڈو ءِ پجّار محمد لقمان ء محمد حنیف ءِ نام ءَ چہ زانگ بوتگ کہ آ چہ سخی سرور ءِ جھمنندے زانگ بیتگ۔
دیستگیں مردمانی رد ءَ تراک ھما وھد ءَ بوتگ کہ بازار ءَ نارمل چست ءُ ایراں بیگ ءَ بیتگ انت۔ پولیس ءُ ریسکیو ءِ واکداراں گشتگ کہ تراک ءِ دروشم انگت ءَ زانگ نہ بیت۔
ویل ءَ پد پولیس، لیویز ءُ بمب ڈسپوزل اسکواڈ ءِ ٹیم جاہ ءَ سر بوتگ انت۔ بنداتی پٹ ءُ پول برجاہ انت ۔ کلیں ٹپیگ اولی کمک ءَ پد نادراھجاہ ءَ سر کنگ بوتگ اَنت۔
ٹپیانی تہ ءَ عبدالمجید شورو ءِ چک عاطف شورو، بھادر ھان ءِ چک شھزاد، علی داد، کمال ءِ چک صفی اللہ، نعمان خان، حکیم خان ءِ چک اسماعیل، دریا خان ءِ چک لالو، ھارون ءِ چک نورحسن ءُ مداد حسین ءِ چک کرم حسین ھوار اَنت۔