کلات ءُ کولواہ ءَ زورگریں پوج ءِ سر ءَ اُرشانی زمہ واری ءَ منّ ایں – بی ایل اے

بلوچ آجوئی لوٹوکیں سلاہ بندیں گل بلوچ لبریشن آرمی ءِ جارکش جیئند بلوچ ءَ وتی شنگ کرتگیں درشان ءِ تہ ءَ گوشتگ کہ مئے سرمچاراں کلات ءُ کولواہ ءَ زورگریں پاکستانی پوج ءُ چاریگیں کیمرھانی سر ءَ سَے اُرش کتگ –

جارکش ءَ گوشتگ کہ بلوچ لبریشن ارمی ءِ سرمچاراں کلات ءِ دمگ منگچر ءَ زورگریں پاکستانی پوج ءِ یک گاڑی ءِ چیرکتگیں تراکناکیں شوروانی نشانگ کتگ – تراک ءَ پد ھمے جاہ ءَ زورگریں پوج ءِ ھاتر ءَ کمکی پوجی اتکگ بوتگ واتری ءِ وھد ءَ ھمے کاروان ءَ ھواریں دگہ یک گاڑی ءِ تراکناکیں شوروانی نشانگ جوڑ کتگ – ھردو اُرشاں زورگریں پاکستانی پوج ءِ کم چہ کم پنچ کارمند مُرتگ انت ءُ نھ زدگ بوتگ انت – وھدیکہ دو گاڑیاں سک باز تاوان رس اِتگ –

جارکش ءَ گوشتگ کہ بلوچ لبریشن آرمی ءِ سرمچاراں یک دگہ کار ءِ کیچ ءِ دمگ کولواہ ءَ گٹ ءِ کور ءَ بیست ءُ دو مئی ءَ کتگ کہ سرمچاراں زورگریں پوج ءِ نیمگ ءَ کل کتگیں دو چاریگی کیمرہ نشانگ کُتگ ءُ تباہ کتگ انت –

جیئند بلوچ ءَ گوشتگ کہ بلوچ لبریشن آرمی اے اُرشانی زمہ واری ءَ منّ ایت –