بلوچستان ءِ دمگ چہ کلات ءُ سبی ءَ 6 مردم پاکستانی لشکر ءَ پہ زورانسری آوار جتگ اَنت۔
پاکستانی لشکر ءَ قلات ءِ دمگ گراپ ءَ پوجی آپریشن ءِ وھد ءَ 5 مردم دزگیر کتگ ءُ ناشناسیں جاھے ءَ برتگ اَنت۔
اے مردمانی تہ ءَ سئے مردمانی پجار جمال الدین، عطا اللہ ءُ لطیف ءِ نام ءَ بوتگ ءُ دومی دوئیں مردمانی پجار انگت ءَ نہ بوتگ۔
دومی نیمگ ءَ چہ سبی ءَ عبدالستار خجک ءِ بچ صادق خان پاکستانی لشکر ءَ پہ زورانسری آوار جتگ۔
دمگی اھوالانی رد ءَ اے مرد چار روچ پیسر سیکورٹی پورسز ءَ چہ وتی دکان ءَ زورانسری بیگواہ کتگ کہ ایشی ءَ پد آئی ءِ بابت ءَ ھچ وڑیں ھال رسگ ءَ نہ اِنت۔
بلوچستان ءَ روچ پہ روچ زورانسری بیگواھیانی ھال شنگ بوگ ءَ اَنت ءُ ھمے وھد ءَ بیگواھیں مردمانی لاشانی ٹپ ءُ ٹور کنگ، زدگیں مردمانی نشانگ جوڑ کنگ ءُ دروگیں انکاؤنٹر ءَ کشگ ءِ کیسانی تہ ءَ ھم گیشی بوتگ۔