بلوچستان ءَ زورانسری بیگواھی ءِ سلسگ بند کنگ نہ بوتگ ، چہ گوادر ءُ تربت ءَ پد ءَ چار مردم پاکستانی لشکر ءِ دست ءَ بیگواہ کنگ بوتگ۔
سرجمیں ھالانی رد ءَ بلوچستان ءَ تیاب دپی شھر ءَ چہ گوادر ءَ پاکستانی لشکر ءَ شعيب ولد رفيق ءُ حفيظ ولد موسیٰ چہ ٹی ٹی سی کالونی ءَ دستیگ کتگ ءُ ناشناسیں جاھے ءَ بُرتگ اَنت۔
اود ءَ چہ تربت ءَ ھال اتکگ کہ زرین جاوید ءُ عمر اقبال نامی ئیں دو ورنا زیکیں بیگاہ ءِ وھد ءَ تربت دشتی بازار ءَ اسپیتیں گاڑی ءَ سوار بیتگ اَنت ناشناسیں مردماں بُرتگ ءُ بیگواہ کتگ اَنت ۔
کھول ءِ گوشگ ءِ رد ءَ دوئیں چُک اے وھد ءَ بیگواہ کتگ اَنت وھدے آ دشتی بازار ءَ یک مبائلی دکانے ءَ بیتگ اَنت۔
کھول ءِ رد ءَ دوئیں چُکانی برگ ءِ ءُ بیگواھی ءِ ھال تربت ءِ پولیس ءَ داتگ، رند ءَ پولیس ءَ چُکانی برُتگیں سینکل چہ دشتی بازار در اتکگ بلے بروکیں مرمانی ھال ءَ پولیس دنیگا ناکام اِنت۔