گوادر ءُ کیچ : پاکستانی پوج سر ءَ بمب اُرش

بمب ڈسپوزل اسکواڈ ءُ کوسٹ گارڈز اُرشانی نشانگ کتگ اَنت-

بلوچستان ءِ دمگ چہ کیچ ءُ گوادر ءَ ھالانی رِد ءَ پاکستانی پوج ءِ ڈسپوزل اسکواڈ تگران ءُ کوسٹ گارڈز جیونی ءَ بمب اُرشانی نشانگ کتگ اَنت-

اُرشاں بمب ڈسپوزل اسکواڈ ءُ کوسٹ گارڈز کارندھاں جانی تاوان چست کنگ ءِ ھال اِنت-

وئیل ءَ پد پوج ءَ دمگ انگیر ءَ کتگ اُرشکارانی پٹ ءُ پول بندات کتگ، بلے اُرشانی درگت ءَ سرکاری درشان دیم ءَ نیتکگ-

زانگ بہ بیت کہ اے دوئیں دمگاں بلوچ آجوئی لوٹوکیں سلاہ بندیں گل پُرکار اَنت ءُ پوج سر ءَ اُرش کنگ ءُ آیگ ءَ اَنت، بلے مروچی بیتگیں اے اُرشانی زمہ واری انگت ھچ گل ءَ نہ زرتگ اَنت-