آمید گس گل ءِ رھشونانی کیس ءَ یکشل ءَ بے تھمبلی ءِ کامردی ءَ کنگ ءَ انت- بی وائی سی

الم بوانیت

بلوچ یکجھتی کمیٹی ءَ یک بیانے ءِ تہ ءَ گْوشتگ کہ گْوستگیں دو ماہ ءِ تہ ءَ گل ءِ بنجاھی آرگنائزر ڈاکٹر مھرنگ بلوچ، بنجاھی کمیٹی ءِ باسک سبغت اللہ شاھجی، بیبگر بلوچ، بیبو بلوچ، گلزادی بلوچ، گْوستگیں دو ماہ ءِ تہ ءَ جتاجتائیں وھداں سداں مردم دزگیر کنگ بیتگ اَنت ءُ بلوچستان ءَ وتگڑیں قانون ءِ چیر دستی ءَ تھری ایم پی او ءِ تک ءَ ھدا جیل ءُ دگہ زنداناں بندیگ کتگ انت-

آئی ءَ گوشتگ کہ گل اے گیر کانودی دزگیریانی ھلاپ ءَ آمیدگس ءَ نزیکی کتگ ءُ کانونی رنگ ءَ وتی سروکانی کیس آمیدگس ءَ جم کتگ انت۔ بلے آمیدگس ءَ گوستگیں دو ماہ ءَ چہ اے کیسانی تہ ءَ مدام دیر کنگ ءِ پندل کارمرز کنگ ءَ اِنت۔ اے وھد ءِ تہ ءَ ھمے بینچ ءَ بازیں رند ءَ اے کیس گوشداشتگ ءُ ھر رند ءَ سرکاری پراسیکیوٹر مئے سروکانی ھلاپ ءَ ھچ وڑیں سبوت ءُ دلیل پیش کنگ ءَ ناکام بوتگ۔ اے گپ ءِ باوجود کازی ءِ پیسلہ ءَ دیر کنگ ءَ اِنت۔

آئی ءَ گیش گوشتگ کہ مرچی دوشمبے ءِ روچ ءَ مئے سروک یک رندے پد ءَ آمیدگس ءَ آرگ بوتگ اَنت ءُ یک رندے پد ءَ سرکاری وکیل ءَ ھچ وڑیں سبوت ءُ دلیل پیش کنگ ءَ ناکام بوتگ۔ راستی ءَ مئے سروک مرچی شرپ مندیں رنگے ءَ یلہ کنگ بوتین انت بلے آمیدگس ءِ بینچ ءَ یک رندے پد ءَ دیر کنگ ءِ پندل زرتگ ءُ سرجمیں بلوچستان ءَ 3MPO ءِ چیر دستی ءَ بندیگیں درستیں مردمانی یلہ کنگ ءِ پرمان داتگ بلے ڈاکٹر مھرنگ، سبگت اللہ، بیبگر بلوچ، گلزادی، بیبو ءُ ماما غفار بلوچ ءَ داں باندا پبلک پراسیکیوٹر ءَ فرمان دات کہ داں باندا ءَ سبوت پیش بہ کنت۔ بلے ھمے بینچ ءَ گوستگیں دو ماہ ءِ تہ ءَ بازیں پیشی ءَ سرکاری وکیل ءِ ناکامی گندگ بوتگ۔

بیان ءَ گوشگ بیتگ کہ مئے گمان اِنت کہ اے آمیدگس ءِ سرجمیں ناکامی اِنت ءُ آمیدگس ءُ سرکار ءِ نیام ءَ یک گِر ءُ دار ءِ سبوت اِنت کہ آ مئے سروکانی ھلاپ ءَ ھچ وڑیں سبوت ءِ نہ بوھگ ءِ باوجود کیس ءَ را مدام مھتل کنگ ءِ بدل ءَ دیر کنگ ءِ پندل کارمرد کنگ ءَ اِنت۔

نوکتریں