بلوچستان لبریشن فرنٹ ءِ جارکش میجر گْوھرام بلوچ ءَ شنگ کتگیں درشان ءِ تہ ءَ گْوشتگ کہ استاد نیک محمد پنّام ءِ واھگ ء آدم جھمنند کلی آواران دُژمن ءِ چاریگی نیٹ ورک ءَ ھمگرنچیں مردماں ھژدہ فروری دوھزار بیست دو شھید کتگ- لھتے سبب ءُ ھاسیں جیڑانی سبب ءَ گل ءَ آئی ءِ شھیدی ءِ گپ شنگ نہ کتگ-
جارکش ءَ گْوشتگ کہ شھید استاد نیک محمد پنّام ءِ واھگ دوھزار دوازدہ ءِ گُڈی ءَ روچاں بلوچ راجی آجوئی ءِ جُھد ءَ بلوچستان لبریشن فرنٹ ءِ پیلٹ فارم گچین کتگ ءُ زندمان ءِ گُڈی وھداں تاں آئی راجی آجوئی جُھد ءَ گوں ھمگرنچ بیتگ-
جارکش ءَ گْوشتگ شھید نیک محمد بی ایل ایف پلیٹ فارم ء چہ بازیں جنگی پڑ ءَ ھوار بیتگ ءُ گوں دلیری ءَ زورگریں دُژمنیں پوج ءِ ھلاپ ءَ جنگ ئِے کتگ-
جارکش ءَ گْوشتگ کہ دوھزار پانزدہ ءَ زورگریں پاکستانی پوج ءَ آئی ءِ لوگ ڈائنامائٹ ءَ چہ تراکینتگ ءُ تباہ کتگ ءُ کھول پہ زور تاکت در پہ در کتگ اَنت باھوٹی وڑیں بدتریں زند گوازینگ ءَ لاچار کتگ اَنت- بلے نیک محمد ءَ سرجمیں بزگی ءُ دلسیاھی ءَ اَبید دُژمن ءِ دیم ءَ سر جھلی جاگہ ءَ پیشگامی ءِ گوم ءَ آجوئی ءِ گل ءُ جُھد گوم ءَ وتی ھمگرنچی برجاہ داشتگ-
جارکش ءَ گوشتگ بلوچستان لبریشن فرنٹ شھید استاد نیک محمد آئی ءِ گرانبھائیں دیمونی ءِ سر ءَ سُھرچکیں دروت ندر کنت ءُ وتی راج ءَ دلجمی دنت کہ بلوچستان ءِ ھرچ شھید ءِ ھون ءِ مَٹ یک آجو ءُ وشھالیں بلوچستان ءِ دروشم ءَ گرگ بیت-