دکی ءِ ھند مانکی ڈیم ءِ نزیک ءَ لیویز ءِ گاڑی کڈا کپگ ءِ سبب ءَ یک کارندھے بیران ءُ ھپت کارندہ زدگ بیتگ انت-
لیویز ءِ رد ءَ وئیل ھما وھد ءَ پیش اتکگ کہ لیویز ءِ کارندہ یک شکی ئیں ایکس گاڑی ءِ دُمب ءَ کپتگ انت انت کہ آئی ءَ ناکہ پروشتگ ءُ تتک-
دمگی مردمانی رد ءَ رند ءَ کپگ ءِ وھد ءَ لیویز ءِ گاڑی اَچ آیانی دست ءَ لگوشتگ ءُ کڈ ءَ کپتگ ،وئیل ءَ ڈرائیور ءَ ھوار ھپت کارندہ زدگ بیتگ انت کہ آ ڈی ایچ کیو ھسپتال دکی ءَ برگ بیتگ انت –
بنداتی درمان ءَ پد سَے زدگ بیتگینانی جاور ناگیگ گوشگ بیتگ کہ آ شال ءَ برگ بیتگ انت- ایشانی توک ءَ یک زدگینے دین مھمد بلوچ الاج ءِ وھد ءَ آئی ءَ ٹپانی درد نہ سگ اتگ ءُ شال ءَ بیران بیتگ –
شکی ئیں گاڑی وئیل ءَ پد تچگ ءَ سوبمند بیتگ ءُ وئیل ءِ پٹ ءُ پول برجاہ انت-