روکپتی بلوچستان ءَ سلاہ بندیں مردمانی اُرش ءَ کم چہ کم ھشت پاکستانی شھری بیران بیتگ انت-
اے وئیل مروچی سھب ءَ مھرستان ءِ میتگ ھیز آباد پایین ءَ پیش اتکگ کہ اود ءَ ناشناسیں مردماں تیرگواری کتگ ءُ پاکستان ءِ ھشت شھری کشتگ انت-
بیران بیتگیں مردمانی توک ءَ پنچ پجار دلشاد، ءُ آئی ءِ چک نعیم، جعفر، دانش ءُ ناسر ءِ ناماں زانگ بیتگ انت کہ پاکستان ءِ اُستان پنجاپ ءِ جھمنند انت-
روکپتی بلوچستان ءَ ھال شنگ کنوکیں ادارہ ھال وش ءِ رد ءَ اے مردم یک ورکشاپے ءَ کار ءَ بیتگ انت ءُ اود ءَ جھمنند بیتگ انت – کہ اود ءَ گاڑیانی شر کنگ ءِ کار ءَ بیتگ انت- اُرش کار ورکشاپ ءَ پتر تگ ءُ آیانی دست ءُ پاد اش بستگ انت ءُ تیر اش جتگ ءُ کشتگ انت-
دمگی مردمانی رد ءَ اے لاش ھنچش گندگ بیتگ انت کہ آیانی دست ءُ پاد بستگ انت ءُ تیر جنگ ءُ کشگ بیتگ انت- اے وئیل ھیز آباد ءَ پیش اتکگ کہ مھرستان ءِ شھر ءَ کساس پنچ کلومیٹر ءِ دوری ءَ انت-