بلوچ یکجھتی کمیٹی ءِ سروک ڈاکٹر ماہ رنگ بلوچ ءِ گوھار ءَ گوشتگ مروچی من ڈاکٹر ماہ رنگ بلوچ ءِ گنِدوک ءَ ھدہ جیل، شال ءَ شتگ انت بلوچستان ءِ ھائی کورٹ ءَ جیل واکداراں کڈن کتگ آ مارا سرجمی ءَ ملاقات اجازت بہ دنت، جیل ءِ واکداراں CP NO ءَ منّگ ءَ نامہ ءَ 25.03.2025 ءَ ھائی کورٹ ءِ ھکم ءَ سریح ءِ ھلاپ ورزی ءَ کنان ءَ سَے اداراں دارگ بیتگ انت-
آئی ءَ گوشتگ ماہ رنگ ءَ زندگی ءُ سھت ءِ ترندی ءَ ناوشیانی دیمپانی انت آئی ءَ ھترناکیں مجرمانی گور ءَ ایر کنگ ءَ انت- آئی ءَ گھگیری کتگ گڑا آ ایوکی ءَ قید ءِ بیھار دیگ بیتگ-
آئی ءَ گوشتگ نگرانی ءَ کیمرہ تچک ءَ آئی ءِ جیل سیل ءُ واش روم ءِ دیم ءَ پِٹ کنگ بیتگ انت ءُ آئی ءَ را بیست ءُ چار ساھتاں یکشل ءَ نگرانی ءَ کنگ ءَ انت- آئی ءِ گور ءَ زاتی تکانی ھچ وڑیں آسراتی نیست انت- آئی ءَ گوشتگ آئی ءِ پُچانی ھم گڑ ءُ بڑانی بازیں جیڑھانی دیمپانی انت-
آئی ءَ گوشتگ وردنی ءِ جیڑھاں آئی ءِ جانسلامتی ءِ واستا ناوشی انت ءُ ماہ رنگ ءُ بیبو ھردوک نادراہ انگ ایشی ءَ ابید آیانی الاج ءَ کنگ ءَ نہ انت آیانی گون ءَ سیاسی قیدانی وڑیں سلوک کنگ ءَ نہ انت آیاں بنکی آسراتیانی دور اش داشتگ –
آئی ءَ گوشتگ اے مشکلیں وھد ءَ شال ءَ کانونی برادری ءُ انسانی ھکانی گلاں گوں دزبندی انت کہ آ ڈاکٹر ماہ رنگ ءُ بیبو ءِ سلامتی ءِ واستا منسپانہ ٹرائل ستک کنان ءَ کاروائی کن ات-