مروچی ڈاکٹر ماہ رنگ بلوچ ءِ گوھار نادیہ بلوچ ءَ گوشتگ زندان ءَ ڈاکٹر ماہ رنگ ءِ گندوک ءَ آ مھکمی ءَ گندگ بیتگ ءُ گپ ءُ تران ءِ وھد ءَ آئی ءِ لُنٹانی سر ءَ بچکند بہ بیتگ انت ءُ بھادری ءَ آئی ءَ وتی راج ءِ نام ءَ کلوہ داتگ ءُ گوشتگ کہ گھگیری بہ کن ات –
آئی ءَ گوشتگ مارا ترسینگ ءِ ھرچ وڑیں جد ءُ جھد بوگ ءَ انت بلے مارا وتی ھک ءُ انساپ ءِ واستا بیوکیں جد ءُ جھد ءَ چہ پشتکنزگی نہ انت ءُ مئے تاکت مئے یکجاھی ءُ گھگیری انت-
آئی ءَ گوشتگ مئے جد ءُ جھد انساپ ءُ ھک ءِ واستا انت ءُ مارا یکجاہ بوگ ءُ پرایمنین رنگے ءَ توار چِست کنگی انت دانکہ دنیا مئے جائزیں لوٹاں سرپد بہ بیت اِنت ءُ زلم ءُ جبر ءِ دیم ءَ اوشتگ ءَ ابید مارا ھمت پروش ورگی نہ انت پرچاکہ ھمک کربانی منزل ءِ نزیک ءَ انت-
آئی ءَ گوھار ءَ گوشتگ ڈاکٹر ماہ رنگ بلوچ زندان ءَ مشکل ءُ جنجالاں ابید پرعزم ءُ سابت کدم گندگ ءَ اتکگ – ءُ آئی ءِ چھرگ ءِ توک ءَ ھچ پئیمیں مایوسی نہ بیتگ انت-