بلوچ آجوئی لوٹوکیں پرکاریں سلاہ بندیں گل بلوچ لبریشن آرمی ءَ 18 مارچ ءَ آپریشن درہ ء بولان ءِ ھلاسی ءِ جار جتگ ءُ سرجمیں ھال داتگ ءُ گوشتگ کہ اے آپریشن دو بھرانی تہ ءَ بوتگ کہ آئی ءِ اولی بھر فروری ماہ ءَ سال 2024 ءَماں مچ ءِ بازار ءِ کبزہ بوتگ ، وھدیکہ دومی بھر ھمے ماہ ءَ مارچ 2025 ءَ جعفر ایکسپریس ءِ سر ءَ بوتگیں اُرش ءَ بندات بوتگ ، کہ یکشل ءَ یک ھپتگے ءَ تاں برجاہ بوتگ ءُ پد ءَ ھلاس بوتگ – اے آپریشن ءَ زورگیریں پاکستان ءَ گوستانکی ءُ مستریں پروشے ءِ دیمپانی کنگ کپتگ کہ آئی ءِ 354 ءَ گیشتر پوجی کارمند مرتگ انت ءُ 100 ءَ گیشتر زدگ بوتگ انت ءُ 214 ہلوچ کتگ انت – دژمن زد ءُ جنگی بندیگانی مٹ ءُ سَٹ ءِ انکاری ءِ سوب ءَ درسیں ہلوچ کتگیں کارمند کُشگ بوتگ انت –
بلوچستان ءِ آجوئی ءِ ھاتر ءَ پُرکاریں گل بی ایل اے ءِ جارکش ءَ گوشتگ کہ اے آپریشن ءَ بی ایل اے ءِ سیزدہ سرمچار نمیران بوتگ انت، کہ آیانی تہ ءَ شش مجید بریگیڈ ءِ جند ندر، پتھ اسکواڈ ءِ چار سرمچار ءُ ایس ٹی او ایس ءِ سَے سرمچار بوتگ انت – اے نمیرانیں سراں وتی جانانی دیمھونی داتگ ءُ دژمن ءِ دیم ءَ اے گپ پدر کتگ کہ بلوچ راجی جنگ ھچ وڑ ءَ پروش دیگ نہ بیت، ءُ زورگریں پوج ءَ زوت یا دیر بلوچ سرڈگار ءَ چہ پد کنزگی انت – اے نمیرانیں سرانی تہ ءَ نمیرانیں سنگت بیگ محمد پنام ءِ طارق ھم ھواریں کہ آئی ءَ بی ایل اے “سگار بلوچ” ءِ جنگی داد ءَ دنت کہ اے گل ءِ دومی مستریں جنگی داد انت –
جارکش ءَ گوشتگ کہ بی ایل اے ءَ وتی پوجی بودشت، جنگی کمال ءُ انٹلی جنس ءِ شیواری ءَ بولان ءَ ابید نوشکی ءَ ھم پاکستانی پوج ءِ ھشت بسانی کاروان ءِ سر ءَ پیسر ءَ سنگر بستگ ءُ اُرش کتگ ءُ یک وی بی آئی ای ڈی جند ندر اُرشے کتگ – اے اُرش ءَ نود ءَ گیش پوجی کارمند مرتگ انت بازینے زدگ بوتگ انت – ھمے وڑ بس یک ھپتگے ءِ میان ءَ بی ایل اے ءَ دژمن ءِ 354 ءَ گیش ہوجی کارمند کشتگ انت ءُ سد ءَ گیش زدگ کتگ انت – وھدیکہ یک ڈرونے ھم جتگ ءُ دور داتگ، کہ دژمن ءِ نوکتریں پوجی ٹکنالوجی ءِ بگیری ءَ بلوچ جنگی تاکت ءِ سوبمندی ءَ زاھر کنت –
جارکش ءَ گوشتگ کہ اے آپریشن ءِ بندات یازدہ مارچ ءَ جعفر ایکسپریس سر ءَ بوتگیں ارش ءَ بندات بوتگ کہ اود ءَ بی ایل اے ءِ سرمچاراں دژمن ءِ سر ءَ بیڑ برتگ ءُ سِی ءَ گیش آرمی ایپ سی، ءُ پولیس کارمند کشتگ انت ءُ دوسد ءُ چاردہ پوجی کارمند دزگیر کتگ انت – اے دزگیر کنگ بوتگیں کارمند جتا جتائٰں رجمنٹس ءُ یونٹانی کارمند بوتگ انت –
41 ڈویژن ءِ چِل ءُ پنچ کارمند
17 آزاد کشمیر رجمنٹ ءِ پنجاہ ءُ شش کارمند
ای ایم ای سینٹر ءِ چِل ءُ ھپت کارمند
25 بلوچ رجمنٹ ءِ پانزدہ کارمند
6 آرمرڈ رجمنٹ ءِ بیست ءُ شش کارمند ءُ انفنٹری اسکول ءِ بیست ءُ پنچ کارمند بوتگ انت –
آئی ءَ گوشتگ کہ بی ایل اے ءَ اے درسیں کارمند کانود ءُ میان استمانی جنگی رھبندانی رِد ءَ بلوچ راجی جنگی آمیدگس ءَ پیش کتگ انت کہ اود ءَ آیانی سر ءَ بلوچ چکچینی، زورانسری آوار جنی، جنگی کتکاریاں ھوار بوگ ءِ سبوت رس اتگ ءُ مرگ ءِ سزا دیگ بوتگ انت –
جارکش ءَ گوشتگ کہ بلوچ لبریشن آرمی مدامی میان اُستمانی جنگی کانود ءُ انسانی ھکانی رھبنداں چار ایت ھمے رھبندانی رد ءَ بی ایل اے ءِ سنیر کمانڈ کونسل ءَ اے بندیگانی بگیری ءَ امیدگسی شور ءِ سر ءَ گامگیج زورگ ءِ بدل ءَ چہ زورگریں پوج ءَ لوٹ کتگ کہ جنگی بندیگانی مٹ ءُ سَٹ بہ بیت – بلے ما دژمن ءِ ھنر ءُ مکاری، دھوکہ بازی ءَ شری ءَ سرپدیں ھمے واستا چِل ءُ ھشت ادارانی مھلت دیگ بوتگ –
نیم ءَ چہ گیش ہلوچ کنگ بوتگیں کارمند جعفر ایکسپریس ءِ تہ ءَ مجید بریگیڈ ءِ سرمچارانی دست ءَ دیگ بوتگ انت ، ءُ آ ھمے گوشگ بوتگ کہ دژمن ءَ ھر وڑیں سُر ءُ پُرے کت گڑا ہلوچ کنگ بوتگیں درسیں کارمند کشگ بہ بنت ءُ اُرشکاریں پوجی کمانڈو سرجمی ءَ ھلاس کنگ بہ بنت –
دژمن ءَ وتی تاکت ءِ نشہ ءَ زوراکی ءِ راہ گچین کتگ ءُ جنگی بندیگانی یل کنائینگ ءِ بدل ءَ پوجی آپریشن بندات کتگ – بلے پد ءَ ھم مجید برگیڈ ءِ بس پنچ جند ندریگاں دو روچ ءِ تہ ءَ پاکستانی پوج زَرار ءِ رپکی ایس ایس جی کمانڈو پروش داتگ ءُ دژمن ءِ بازیں کارمندانی کوش ءَ پد وھدیکہ آیانی جند ءِ تیر ھلاس بوتگ انت گڑا وتی گڈی تیر وت ءَ جتگ ءُ دژمن ءَ پیش داشتگ کہ بلوچ ءِ جنگ ھر وڑ ءَ برجاہ مان ایت –
ھمے وھد ءَ بی ایل اے ءِ گچینی یونٹ پتھ اسکواڈ ءُ ایس ٹی او ایس ءَ ایندگہ جنگی بندیگ دو بھر ءَ کُتگ انت وتی اوتاکاں سر بوگ ءَ سوبمند بوتگ انت – بلے وھدیکہ زورگریں پوج ءَ گند ءُ نند ءِ بدل ءَ زوراکی ءِ راہ گچین کتگ ءُ بی ایل اے ءِ اوتاکانی سر ءَ اُرش ءِ جھد کتگ گڑا سنیر کمانڈ کونسل ءِ گوشگ ءِ پد ءَ بلوچ راجی جنگی آمیدگس ءِ شور ءِ رِد ءَ جنگی بندیگ مرگ ءِ سزا دیگ بوتگ انت – اے پیسلہ ءِ زورگ ءِ زمہ داری پاکستانی پوج ءِ سر ءَ کئیت کہ آئی ءَ یک موھے رسگ ءَ ابید ھم وتی کارمندانی یل کنائینگ ءِ بدل ءَ جنگ ءِ راہ گچین کتگ –
ھبدہ مارچ ءَ تاں زورگریں پوج ءِ گوم ءَ میڑ برجاہ بوتگ انت کہ چریشی ءَ دژمن ءَ بازیں جانی تاوانانی دیمپانی کنگ کپتگ ءُ گڈسر ءَ بولان ءَ پدکنزگ ءَ لاچار بوتگ – اے میڑانی میان ءَ بی ایل اے ءِ دستیگ کتگیں ھندانی پھریز کنان ءَ ھپت سرمچار نمیران بوتگ انت کہ آیاں وتی جانانی دیمھونی داتگ ءُ دژمن ءِ جنگی تاکت سک باز تاوان داتگ ءُ اے بلوچستان ءِ تہ ءَ مزنیں پروشے داتگ –
جارکش ءَ گوشتگ کہ بی ایل اے ءَ دژمن بولان ءَ دلگوش کنائینتگ ءُ نوشکی ءَ دگہ ٹوھیں اُرشے کتگ – کہ پاکستانی پوج ءِ کارمند وتی موکلاں پد واتر وتی یونٹاں روگ ءَ بوتگ انت کہ آیانی ھشت بسانی کاروان ءِ سر ءَ مجید بریگیڈ ءَ وی آئی ای ڈی اُرشے کتگ – اُرش ءَ پد ھما دمان ءَ کہ دژمن ءِ کارمند ترس ءِ آماچ بوتگ انت گڑا بی ایل اے پتھ اسکواڈ ءخ اُرش کتگ ءُ دومی بس ءَ سواریں درسیں کارمند یک یک ءَ کشتگ انت ایشی ءَ پد ایندگہ شش بسانی سر ءَ پیسر ءَ سنگر بستگیں سرمچاراں اُرش کتگ کہ اود ءَ دگہ نود ءَ گیش مرتگ ءُ پنجاہ ءَ گیش زدگ بوتگ انت –
جارکش ءَ گوشتگ کہ اے سرجمیں آپریشن ءَ بی ایل اے ءِ انٹلی جنس ونگ “زراب ” ءِ بلاھیں کردے بوتگ – دژمن ءِ سر ءُ پُر ءُ آئی ءِ پوجی شوربندی ءُ کارشونیاں سر ءَ چمشانک دیگ ءَ پد بی ایل اے ءَ وتی کار کتگ چریشی ءَ جنگ ءَ تور مٹ بوتگ ءُ زورگریں پوج ءَ سک باز تاوان رس اِتگ –
جارکش جیئند بلوچ ءَ گوشتگ کہ پاکستانی پوج وتی گوستانکی پروش ءِ چیردیگ ءِ ھاتر ءَ وڑ وڑیں ھنر، دروگ ءُ پروپیگنڈہ کنگ ءَ انت – درہ ء بولان ءُ نوشکی ءَ وتی پروش ورگ ءَ پد وھدیکہ دژمن ءِ 354 ءَ گیش کارمند مرتگ، سد ءَ گیش زدگ بوتگ انت ءُ بازینے جنگی بندیگ جوڑ کتگ گڑا دژمن وتی پروش ءَ نہ منّگ انت ءُ بس وتگڑیں ٹاپار ءُ دروگ بندگ ءَ انت کہ پہ آئی ءَ بس ھمے یکیں راہ بچ اِتگ – پاکستان ءِ ریاستی ادارہ ھاسکر پرپیگنڈہ کنوکیں ادارہ آئی ایس پی آر مدامی وڑ ءَ وتی بے سوبیاں دریانی سر ءَ لڑگ ءِ جھد ءَ کنت، ءُ ھمے وتگڑیں ٹاپار ءَ جنگ ءَ انت کہ اوگانستان ءُ ھندوستان بی ایل اے ءِ پُشت انت –
اے ھما وتگڑیں بھتام انت کہ پاکستان ھر مدام ریاستی ناشرکاری ءِ بگیری ءَ چست بوتگیں گھگیری سر ءَ جنت اش، راستی ھمیش ایں کہ بی ایل اے وتی زمین ، وتی راج، ءُ وتی راجی پلامرزی ءَ تاکت ءِ جوڈ بوتگ – بلوچ گھگیری بلوچ راج ءِ یکجاھیں تاکت ءَ پیش دار ایت کہ ھچ وڈیں دری تاکتانی چمدار نہ ایں –
آئی ءَ گوشتگ اوگانستان ءُ بلوچ راج ءِ سیادی نوکیں گپ ئے نہ انت بلکنہ ھزاراں سال یک گوستانکی، دود ءُ ربیدگی راستی ئے – اوگان ءُ بلوچانی میان ءَ سیادی ھچ وڈیں سیاسی مپاد ءِ نہ انت بلکنہ پدریچاں بندوکیں زندگیں راستی ئے – بلوچ ءُ اوگانیانی وت ماں وتی ھونی، دودربیدگی ءُ گوستانکی سیادی ءِ ھست کہ آ ناکہ دری تاکتانی شئور ءَ برجم بوتگ ءُ ناکہ ھلاس بیت – پاکستان ءِ اے گوشگ کہ بی ایل اے ءَ پاکستان ءِ کمک گون ایں راستی ءَ اے اوگان ءُ بلوچانی گوستانکی سیادی ءِ ھلاس کنگ ءِ بے سوبیں جھدے – بلے پاکستان چہ اشی ءَ بیھال ایں کہ چہ اے پروپیگنڈھاں سراستی مٹ نہ بیت –
بی ایل اے اے گپ ءَ تچک کنت کہ مئے ناکہ اوگانستان یا ھندوستان ءَ اوتاک ھست ءُ ناکہ دگہ ڈیھاں، بی ایل اے وتی سرڈگارے سرا ایں ءُ وتی راج ءِ میان ءَ مھکم بوان انت ءُ بلوچ ورنایانی یکشل ھوار بوگ ءَ یک راجی پوجی تاکت ءِ جوڈ بوتگ – بی ایل اے چوش کہ دژمن گوشگ انت ناکہ زر زیریں جنگول انت ءُ ناکہ دری ڈیھاں کمک زورگ انت – مئے جنگ بلوچ ورنایانی دیمھونیاں دیمروئی کنان انت ءُ مئے تاکت بلوچ راج ءِ اوست ءُ امیت انت –
اگاں ناشرکاری ءِ نرسری ءِ ھست گڑا آ اوگانستان نہ ایں پاکستان انت – اے ھما ریاست ایں کہ ادا جھان ءِ ناشرکاریں ٹولی گردگ ءَ انت – ھمے ھما ملک ایں کہ داعش، جیش محمد ءُ لشکر طیبہ ءُ دگہ گل چہ ھمدا جوڈ بوتگ انت سرجمیں جھان ءَ ناشری کنگ ءَ انت – پاکستان سرجمیں جھان ءِ تہ ءَ مستریں ناشرکار جوڈ کنوکیں اسپانسر ایں- کہ آئی ءِ سبوت اقوام متحدہ، یورپی یونین امریکہ ءُ جھان ءِ گیشتریں آزادیں رسانک ءَ ھست انت –
دومی نیمگ ءَ زورگریں پوج وتی بے سوبی ءِ چیر دیگ ءِ ھاتر ءَ دگہ وتگڑیں ٹاپار جنگ ءَ ایں کہ بی ایل اے ءَ لس مردم نشانگ کتگ انت اے ھم وتگڑیں پرپیگنڈھے چو وتی ٹاپارانی پیم ءَ کہ بی ایل اے دری ڈیھانی دست چیر ءَ انت – بی ایل اے ءَ اُرش ءِ اولی روچ ءَ درسیں زالبول، زھگ، کماش ءُ نادراھاہ وش ءُ سلامتی یل کتگ انت – اے بی ایل اے ءِ انسان دوستی، جنگی رھبندانی پاسداری ءُ میان استمان کانودانی ارزشت دیگ ءِ سبوت ئے – دزگیر کنگ بوتگیں درسیں مردم پوجی بوتگ انت کہ بلوچ چکچینی ءَ ھوار بوتگ ءُ ھنی وتی موکلاں پنجاپ ءَ روگ ءَ بوتگ انت آیان وتی سروس کارڈ ھم گون بوتگ کہ بی ایل اے ءَ بس پہ ھمے گوشگ ءَ کہ اے لس مردم نہ بوتگ انت – بلکنہ زورگریں پوجی بوتگ انت –
جارکش ءَ گوشتگ کہ بی ایل اے جنگی زوراکی کنگ ءَ نہ انت بلکنہ وتی سرڈگار ءَ پھریزگ ءَ انت – پاکستان ءَ بلوچستان ءِ سر ءَ لشکر کشی کتگ زورگری ءَ جنگ سرا آورتگ وھدیکہ بی ایل اے وتی راجی پھازگ ءِ ھاتر ءَ جنگ ءَ انت – بی ایل اے ءِ جنگ نپرت کنگ نہ ایں بلکنہ وتی راج ءَ گوں مھر انت –
جارکش ءَ گوشتگ کہ آپریشن درہ ء بولان ءِ میان ءَ درساں مستریں چیلنج پہ بی ایل اے ءَ ھمے بوتگ کہ ھچ وڈیں لس مردماں تاوان مہ رس ایت – اگاں بی ایل اے ءِ مول مراد کُشت ءُ کوش بہ بوت ایں گڈا سرجمیں ریل گاڑی ادارے ءَ کبزہ ءَ بوتگ مہ اگاں بہ لوٹ ات ایں گڈا یک مردمے ھم نہ رک اِتگ ات –
آئی ءَ گوشتگ کہ پاکستان ءِ دگہ مستریں جھدے ھمیش ایں کہ بی ا اے ءِ تاواناں گیش بہ کنت ءُ پیش بہ دار ایت ءُ وتی تاواناں چیر بہ دنت – بلے ما اے گپ ءَ پدر کن ایں کہ نمیرانی مئے دلی واھشت ئے ءُ بی ایل اے سروک ءُ آئی ءِ ھر یک سپاھی ءِ پہ نمیرانی ءَ ساڑی ایں- ما وتی نمیرانیں سرانی ھاترءَ شرمندگ نہ ایں بلکنہ آیانی سر ءَ پھر بند ایں – ما ایاں وتی راج ءِ دیم ءَ پہ شرپ یاد کنیں ءُ آیانی دیمھونیاں راجدپتر ءِ تہ ءَ زندگ دار ایں – بلے پاکستان وتی مرتگیں پوجیاں چیر دنت آیانی جوناں ناشناسیں جاھاں کل کنت تاکہ آیانی راج وتی پوج ءِ بے سوبی ءُ نزوری ءِ راستی ءَ سرپد مہ بنت –
آئی ءَ گوشتگ کہ پاکستانی پوج یک کرایہ کشوکیں پوج ئے کہ اے دمگاں زورگریں انگریز سامراج ءَ آرتگ کہ آیانی جنگ کنوکاں ھچ وڈیں لیکہ نیست بس پہ تنخواہ ءَ جنگ ءَ انت – ھمے ھاتر ءَ آ ھچبر سرمچارانء جزبگ، ھوسلہ ءُ گھگیری تاکت ءِ دیمپانی ءَ کت نہ کن انت –
آئی ءَ گوشتگ کہ پاکستان ءِ آئی ایس پی آر ءِ گوشگ انت کہ نوں جنگ ءِ رھبند مٹ اِتگ انت، ما اے بدل بوتگیں رھبنداں دلستگ من ایں – زورگریں پوج ءَ ھمائی زبان ءَ.پسو دیگ ءَ ساڑی ایں – بلے اے ھم یک راستی ئے اے رھبند پاکستان پوج ءَ ناں بی ایل اے ءَ مٹ کتگ انت – نوں بلوچ سرڈگار ءِ سر ءَ یک پیشہ ور دودمان ءُ میان استمانی جنگی رھبندانی پلامرزی کنوکیں راجی پوج ءِ اشتاتگ کہ دژمن ءِ ھر وڑیں ھنراں بے سوب کنت ءُ گڈی جنگ ءِ تیاری ءَ انت –
جارکش جیئند بلوچ ءَ گوشتگ کہ ما پنچاپ ءِ ماتاں اے کلوہ ءَ دے ایں کہ وتی زھگاں پاکستانی پوج ءِ جنرلانی دست مہ دے انت آیاں بلوچستان ءَ پہ مرگ ءَ دیم مہ دے انت – مئے دژمن شما نہ ایت، بلے شمے زھگ اگاں بلوچ چکچینی ءَ ھوار بوتاں گڈا شمارا ھم وتی زھگانی جون دست کپ انت – ءُ شما اشی ءَ سرپد بہ ئے ءُ سک باز دلرنج ھم بہ ئے کہ پاکستانی پوج شمے چکانی مرگ ءَ ھچ پھر نہ بند ایت بلکنہ شرمندگ ایں – ھمے واست ءَ آیانی جوناں چیر دنت – اگاں پنجاپ ءِ مردم ھون ریچی نہ لوٹ انت گڈا اے کشندھیں پوج ءِ بگیری ءَ بہ اوشت انت ءُ وتی زھگانی ھونانی ھساب ءَ بگر انت –
آئی ءَ گوشتگ کہ درہ بولان آپریشن ءَ بی ایل اے ءِ سیزدہ سرمچار نمیران بوتگ کہ آیانی تہ ءَ پنچ مجید برگیڈءِ جند ندر بوتگ اَنت ءُ نوشکے ءَ گوں تراکناکیں شورھانی ارش ءِ جند ندر ءَ ھوار شش جند ندریاں وتی جان ءِ دیمونی داتگ۔ چہ ایشی ءَ ابید بی ایل اے ءِ جنگی یونٹ پتھ اسکواڈ ءِ چار نہ ترس ءُ اسپیشل ٹیکٹیکل آپریشنز اسکواڈ (ایس ٹی او ایس) ءِ سے سرمچار گوں جوانمردی ءَ جنگ ءَنمیران بوتگ اَنت۔ ھمک نمیرانیں سر ءِ ھون اے ماتیں سرڈگار ءِ پیشانی ءَ چک ایت، ھمک نمیرانیں سر ءِ دیمونی اے جھد ءَ گیش مھکم کنت ءُ آیانی ترانگ بلوچ راجدپتر ءِ تہ ءَ پہ مدامی مان اَنت۔
جارکش ءَ گوشتگ کہ نمیرانیں سنگت بیگ محمد پنام طارق ءِ نام بلوچ راجی گھگیری ءِ ھمک سرمچار ءِ دل ءَ مدام یک رھشونے ءِ رد ءَ یاد کنگ بیت۔ بولان ءِ ھند گزبک ءِ جاہ منندیں اے مزنشانیں جنگول 2018 ءَ بی ایل اے ءَ ھوار بوتگ ءُ آ چہ وتی جنگی بودناکی، کارشونی ءُ سروکی ءِ کرد ءِ برورد ءَ ماں کسانیں وھدے ءَ آپریشن کمان گچین کنگ بوتگ۔ آ نہ تیوک ءَ یک جنگولے بوتگ بلکیں یک لشکری چیدگے اَت۔ آئی ءَ دژمن ءِ سر ءَ مزنیں ارش کرتگ ءُ ھمک میڑ ءَ بی ایل اے سوبمند کرتگ۔
آئی ءَ گوشتگ کہ چہ بیگ محمد پنام طارق ءِ سروکی ءَ بی ایل اے بازیں آپریشناں سوبین بوتگ ءُ آئی چہ وتی جنگی کارشونیاں دژمن ھمک میڑ ءَ پہ پدکنز کنگ ءَ لاچار کرتگ۔ آئی ءَ نہ تیوک ءَ سلاہ کار گپتگ بلکیں دژمن ءِ بگیری ءَ جنگ ءَ نوکیں راھبند ٹھینگ بی ایل اے چہ جوانیں بودناکیاں یک نوک ءُ مزنیں جاھے ءَ سر بوتگ ءُ ھمے پیش داشتگ کہ بلوچ راجی گھگیری تیوکءَ گوں دیمپانی کاراں بندوک نہ اِنت بلکیں گوں یک سرجمیں لشکری لیکھے ءَ مٹ بوتگ –
آئی ءِ تمردی ءُ کربانی ءَ بی ایل اے ءَ آئی ءَ ” سگار بلوچ'” ءِ جنگی داد ءَ دنت کہ جنرل ءَ پد گل ءِ دومی مستریں داد ایں – چدوپیش اے داد بس سَے سرمچاراں دیگ بوتگ نوں بیگ ءِ نام ھم ھمے سرمچارانی لڑ ءَ ھوار ایں – سگار ء بلوچ بزاں بلوچ ءِ زھم- اے ھما سلاہ بوتگ کہ مدامی دژمن ءِ سر ءَ اُرش کتگ – نمیرانیں بیگ محمد سمالانی پنام ء طارق بلوچ گھگیری ءِ ھنچیں نامے کہ آئی ءَ وتی بود ءُ کمال ءَ زورگر ءِ بگیری ءَ بلوچ جنگ ھنچوش مھکم کتگ کہ نوں آ بلوچ راجی آجوئی ءِ گرگ ءَ پد دم کنت –
جارکش ءَ گوشتگ کہ درہ بولان آپریشن ءِ پڑ ءَ نمیران بوتگیں سرمچاراں دگہ یک بے مٹیں نامے نمیرانیں پدائی سنگت مھزام بلوچ پنام میرک اِنت، آئی ءَ نوشکے ءَ دژمنیں لشکر ءِ کاروان گوں تراکناکیں شورھانی ارش ءَ نشانگ کرتگ۔ پنجگور پروم ءِ جاہ منندیں اے نہ ترس 2021 ءَ بی ایل اے ءَ ھوار بوتگ ءُ زوت چہ وتی دلیری، دیمونی ءُ جوانمردی ءِ برورد ءَ مجید برگیڈ ءِ بھر بوتگ۔ آئی ءَ دژمن ءِ ھشت بسانی کاروان نشانگ کرتگ ءُ 90 ءَ گیش پوجی کارمند کشتگ ءُ دھانی کچ ءَ ٹپی کرتگ ءُ ھمے پیش داشتگ کہ بلوچ گھگیری دژمن ءِ کجام ھم بھر ءَ نشانگ کرت کنت۔ آ نمیرانیں پدائی شھزاد پنام کوبرا ءِ برات اَت۔ نمیرانیں شھزاد بلوچ 2020 ءَ کراچی ءَ اسٹاک ایکسچینج ءَ جند ندری ارش ءَ ھوار بوتگ۔
آئی ءَ گوشتگ کہ نمیرانیں پدائی احکام بنگلزئی پنام بادل بلوچ درہ بولان ءَ سروکیءِ پرز پیلو کرتگ ءُ وت ءَ ھمے جنگ ءَ نمیران کرتگ۔ مستونگ ءِ ھند میجر چاراہ ءِ جاہ منندیں اے نہ ترس 2021 ءَ بی ایل اے ءَ ھوار بوتگ ءُ سالے ءَ پد مجید برگیڈ ءَ ھوار بوتگ۔ آئی ارادہ ءُ دیمونی پہ بلوچ گھگیری ءَ مادنیں راہ اِنت۔
جارکش ءَ گوشتگ کہ کراچی ءِ ھند لیاری ءِ جھمنند نمیرانیں پدائی سنگت پرویز بزنجو پنام دودا بلوچ راجی جنگءَ بے مٹیں دیمونی داتگ۔ چہ بی ایس او ءِ راھبند ءَ سیاست بندات کنوکیں اے شھزانتیں سرمچار ءَ 2022 ءَ جنگ ءِ پڑا وتی گام ایر کرتگ اَنت ءُ زوت مجید برگیڈ ءِبھرے بوتگ ءُ زوت دژمن ءِ سر ءَکھرے جوڑ بوتگ۔آئی دیمونی ءَ ھمے پیش داشتگ کہ آجوئی جنگ نہ تیوک ءَ گوں توپک ءَ بندوک اِنت بلکیں گوں ارادہ، دیمونی ءُ لیکہ ءَ کٹگ بیت۔
آئیءَ گوشتگ کہ درہ بولان آپریشن ءِ تہ ءَ نمیرانانی لڑ ءَ نمیرانیں پدائی سنگت ظفر بلوچ پنام منان ءِ نام ھم پہ مدامی نمیران بوتگ۔ کراچی ءِ ھند ماڑی پور ءِ جاہ منندیں بے مٹیں سرمچار 2022 ءَ بی ایل اے ءَ ھوار بوتگ ءُ زوت چہ وتی جنگی بودناکی ءُ مھکمیں ارادہ ءِ سوب ءَ مجید برگیڈ ءِ بھر بوتگ۔ آ انچیں جوانمردے اَت کہ آئی دژمن ءِ بگیری ءَ وتی توکل، دلیری ءُ جنگی کارشونی انچو کارگپتگ اَنت کہ آئی زرمبش داں دژمنءِ بنجلاں اش کنگ بوتگ اَنت۔ آئی ھمک ارش پہ دژمنءَ نوکیں تباھی یے بوتگ ءُ ھمک کارشونی ءَ بی ایل اے ءَ توان گیش کرتگ۔
جارکش ءَ گوشتگ کہ ھمے وڑ ءَ نمیرانیں پدائی سنگت یاسر پنام شاویز بولانی ءَ وتی جان ءِ دیمونی داتگ ءُ بلوچ راجی جھد ءَ را یک نوکیں توانے بکش اتگ۔ ھزدار ، چمگ زھری ءِ جاہ منندیں سرمچار 2022 ءَ بی ایل اے ءَ ھوار بوتگ ءُ 2023 ءَ چہ وتی نہ ترسی ءِ سوب ءَ مجید برگیڈ ءَ بھر زرتگ۔ آئی ءِ تہ ءَ ھما درس بوتگ اَنت یک پدائی جنگولے ءِ تہ ءَ بنت۔
آئی ءَ گوشتگ کہ نمیرانیں یاسر بلوچ ءِ نمیرانی یک نوکیں توکلے ءِ چیدگ اِنت کہ بی ایل اے ءِ ھمک سرمچار ءَ اے جنگ ءَ گوں ترندی ءَ مڑگ ءِ سکین ءَ دنت۔ آئی داں گڈی دمان ءَ دژمن ءِ گون ءَ مڑ اتگ ءُ وتی جان ءِ دیمونی داتگ ءُ دژمن ءَ را پیش داشتگ کہ بلوچ سرڈگار ءِ سر ءَ زورگپتی داں دیر ءَ برجاہ نہ بیت۔
جارکش ءَ گوشتگ کہ نمیرانانی ھمے گرانبھائیں لڑ ءَ نمیرانیں پدائی سنگت اسامہ عمر پنام سلال ءِ نام پہ مدامی گوں شریں دانکاں نبیسگ بیت۔ مستونگ ءِ ھند اسپیت بلندی، لاکی ءِ جاہ منندیں اے بے مٹیں سپاھی 2022 ءَ بی ایل اے ءَ ھوار بوتگ ءُ پہ وتی جان ءِ دیمونی ءَ 2024 ءَ واھشت پیش کرتگ۔
آئی ءَ گوشتگ کہ بی ایل اے ءِ جنگی یونٹ پتھ اسکواڈ ءُ ایس ٹی ایس او ءِ نمیران گوستانک ءِ تہ ءَ پہ مدامی گیر آرگ بنت۔ نمیرانیں سنگت شکیل ساتکزھی پنام زورین نہ ترسیں چیرجنگے اَت، آئی شال ءِ ھند ڈگاری ءَ شھری چیرجنگ ءَ پد کوھی جنگ ءَ دژمن ءِ سر ءَ مزنیں میڑاں ھوار بوتگ۔
جارکش ءَ گوشتگ کہ ھمے وڑ ءَ نمیرانیں سدام جان پنام ودود بولان ءِ ھند ڈاڈر ءَ پیسر ءَ شھری چیرجنگی کرتگ ءُ دژمن ءِ بگیری ءَ کاروائی کرتگ ءُ رند ءَ کوہ ءَ شتگ ءُپہ دژمن ءَ ترسے بوتگ۔
آئی ءَ گوشتگ کہ نمیرانیں سنگت فرید پنام سگیر جان واشک ءِ جاہ منند اَت آئی پیسر ءَ شال ءَ شھری چیرجنگی کرتگ ءُ رند ءَ کوہ ءَ شتگ ءُ دژمن ءِبگیری ءَ ٹوھیں ارشاں وتی کرد پیلو کرتگ۔
جارکش ءَ گوشتگ کہ نمیرانیں عئید محمد پنام شاہ فھد ھما نہ ترسیں سرمچار اَت کہ آئی چہ ورنایانی آجوئی ءِ سپر ءَ پہ وت ءَ جاھے جوڑ کرتگ۔ شال بروری ءِ جاہ منندیں اے سپاھی 2024 ءَ بی ایل اے ءَ ھوار بوتگ ءُ بی ایل اے ءِ جنگی یونٹ پتھ اسکواڈ ءِ بھر بوتگ۔
آئی ءَ گوشتگ کہ نمیرانیں سنگت دیدگ پنام کمبر کہ تربت ءِ ھند ملائی بازار ءِ جاہ منند اِنت بی ایل اے ءِ اسپیشل ٹیکٹیکل آپریشنز اسکواڈ (ایس ٹی او ایس) ءِ نہ ترسیں سپاھی یے بوتگ۔ 2021 ءَ بی ایل اے ءَ ھوار بوتگ۔
آئی ءَ گوشتگ کہ نمیرانیں سرانی لڑ ءَ سنگت جما پنام مھران ھم ھوار اِِنت کہ آ بولان ءِ ھند پیر اسماعیل ءِ جاہ منند اِنت۔ آ 2023 ءَ بی ایل اےءَ ھوار بوتگ۔ پیسرءَ شھری چیرجنگیءَ دژمن ءِ بگیری ءَ کاروائیاں ھوار بوتگ ۔آ وتی دلیری ءُ تمردی ءَ زوتاں کوھاں سر بوتگ کہ ھمودا آ پتھ اسکواڈ ءِ بھر جوڈ بوتگ – آئی ءِ دشمن ءِ بگیری ءَ بازیں سوب مندیں جنگے کتگ ءُ بی ایل اے ءِ جنگی تاکت گیشتر مھکم کتگ –
آپریشن درہ ءِ بولان ءَ نمیرانیں جمعہ ءَ ھما دلیری پیش داشتگ کہ آئی ءِ درور نیست – آئی ءَ داں گڈی ساہ ءَ گوں وتی ھمرایانی ھمرائی ءَ گوں دژمن ءَ جنگ داتگ – آئی ءِ دیمھونی پہ بلوچ راجی زرمبش ءَ نوکیں تاکت ےِ جوڈ بوتگ آئی نام مدامی ماں راج دپتر ءَ ابد مان ایت – آئی ءِ نمیرانی ھمے کلوہ ءَ دنت کہ بی ایل اے ءِ سرمچارانی گام ھچبر نہ اوشت انت ءُ اے جھد داں گڈسر ءَ برجاہ مان ایت –
جیئند بلوچ ءَ گوشتگ کہ اے درسیں نمیرانیں سر چہ بُنک ءَ بی ایل اے ءِ اَنت، آیانی دیمونی اے جھد ءَ گیش توانمند کن اَنت۔ بی ایل اے آیانی دیمونیاں بے ھال نہ کنت ءُ آیانی ھون ءُ دیمونیانی سر ءَ کول کن ایں کہ بلوچ ءِ اے جنگ داں گڈی سوبمندی ءَ برجاہ مان ایت –