گوادر ءَ سُتکگیں لاشے دزکپتگ

بلوچستان ءِ تیاب دپی شھر گوادر ءِ تھسیل جیوانی ءِ دمگ چہ روبار ءَ یک سُتکگیں لاشے دزکپتگ-

ھالانی رِد ءَ لاش سر سلامت اِنت بلے سرجمیں بدن سُتکگ-

لاش ءِ پجّار شاھد ء عبدالحمید نام ءَ چہ بیتگ- دمگی مردمانی رِد ءَ اے مرد پاکستانی پوج ءَ بیست شش جولائی دوھزار بیست سے ءُ چہ گوادر بیگواہ کتگ – چریشی ءَ پد سیزدہ ستمبر دوھزار بیست سے ءَ گوادر پولیس ءِ دست ءَ داتگ – وھدے کہ مروچی اشی ءِ سُتکگیں لاش دزکپتگ-

زانگ بہ بیت کہ بلوچستان ءَ بیگواھیں مردماں دروگیں میڑاں کُشگ ءُ لاشانی دزکپگ ءِ سبب ءَ زورانسری بیگواھیں مردمانی کھول سک تُرس ءِ آماچ اَنت-