بلوچستان: پوج ءُ لیویز پورس ءِ سر ءَ اُرش، بنجل دستیگ

بلوچستان ءِ جتا جتائیں جاہ کیچ ءُ مشکے ءَ پوج ءُ لیویز پورس ءِ سر ءَ سلاہ بندانی اُرش، سلاہ ءُ بنجل دستیگ –

کیچ ءِ ھند مند ءَ سلاہ بندیں مردماں پاکستانی پوج ءِ بنجل ءِ سر ءَ ٹوھیں کچے ءَ اُرش کتگ –

دمگی مردمانی رد ءَ سلاہ بندانی بازیں کچے ءَ مند ءِ ھند دریا چم ءَ پورسز ءِ بنجل ءِ سر ءَ اُرش کتگ ءُ بازیں کارندہ کشتگ انت ءُ ءُ بنجل دستیگ کتگ سلاہ ءُ دگہ ساز ءُ سامان برتگ انت-

گیش پورسز ءِ کمک ءَ آیوکیں کاروان ءِ سر ءَ سلاہ بنداں ھم اُرش کتگ-

ھمے وڑ سلاہ بندیں مردماں مشکے کلر، ریسٹ ھاؤس، ءُ گجر ءَ لیویز کارندھانی سر ءَ اُرش کتگ ءُ سلاہ پچگپتگ انت ءُ برتگ انت-

ھمے وڑ مشکے ءَ سلاہ بندیں مردماں یوپون ٹاورے ھم مانداشتگ ءُ پشت مانداتگ ءُ شتگ انت-

بلوچستان ءَ پورسز ءِ سر ءَ یکشلیں اُرشانی درچ برجاہ انت ءُ چِد ءُ پیش کلات ءَ سلاہ بندیں مردماں لیویز ءِ سر ءَ اُرش کتگ ءُ یک کارندھے کشتگ ءُ دو زدگ کتگ انت-

بیتگیں اُرشانی زمہ واری داں انگت ءَ کس ءَ پہ وت نہ زرتگ انت-