روکپتی بلوچستان ءِ راسک ءَ ایرانی چیریں ادارھاں بیڑ برتگ ءُ اود ءَ یک نودربرے آوار جتگ ءُ برتگ-
گیشیں اھوالانی رد ءَ راسک ءِ ھند پیشین مند میتاپ ءَ یک لوگے ءِ سر ءَ ایرانی لشکر ءِ لس پوشاکی کارندھاں یک لوگے ءِ سر ءَ بیڑ برتگ ءُ اود ءَ یک نودربرے آوار جتگ ءُ گون وت برتگ-
آوار جنگ بیتگیں مردم ءِ پجار عبدالرشید دادور ء ھیدر کہ یک دینی مدرسے ءِ نودربرے بیتگ-
اھوالانی رد ءَ ایرانی لشکر ءِ لس پوشاکی کارندہ گون سپاہ ءَ ھوار لس شکسی گاڑیاں گوں اتکگ انت ءُ پیشین ءَ مند میتاپ ءَ یک لوگے انگیر اش کتگ ءُ اود ءَ عبدالرشید اش آوار جتگ ءُ برتگ کہ چریشی ءَ پد آئی ءِ درگت ءَ ھچ ھال نیست اِنت-