شام ءَ سیزدہ سالاں تَھ ئے جنگ ءُ چوپاں پد بشار الاسد ءِ سرکار ءِ واک ھلاس بیتگ- ھشت دسمبر دوھزار ءُ بیست ءُ چار ءَ دمشق ءِ سر ءَ کبزہ کنگ بیتگ چریشی ءَ اسد ھاندان ءِ پنجاہ ءُ سَے سالی ھاکمی ھلاس بیتگ-
اے دگری بازیں ماھاں ترندیں جنگ ءُ چوپاں پد بیتگ کہ ایشی ءِ توک ءَ کرد لشکر، اسلام پسند ٹولی ءُ ترکی ءِ پلامرزی ءَ ھستیں ھمسنتین گلاں جوانیں کرد پیلو کتگ انت-
بیست ءُ ھپت نومبر دوھزار ءُ بیست ءُ چار ءَ بگیرداراں گوریچانی دمگاں سرکاری ھنداں اُرش بندات کتگ انت- بیست ءُ نُھ نومبر ءَ ھلب دستیگ کنگ بیتگ ءُ اسد ءِ سرکار ءِ واستا یک مزنیں پروشی یے بیتگ- پنچ دسمبر ءَ کرد ملیشیا ءَ رودراتکی ھند دیر الزور اجو کتگ-
بشار الاسد ءِ سرکار ءِ ھلاس بوگ ءُ ڈیھ ءَ تچک ءَ پد شام ءِ شھریاں شاتمانی کتگ ءُ دگہ ڈیھاں شتگیں شام ءِ جھمنند واتر شام ءَ روگ اش بندات کتگ –