مستونگ ءَ ایف سی ءَ ڈیرہ مراد جمالی ءَ رؤکیں ٹرکانی سر ءَ مستونگ ءِ دمگ دشت کمبیلا ءِ ھند سر ءَ تیرگواری کتگ ءُ ٹرکانی ٹائر تراکینتگ اَنت-
چہ مستونگ ءَ ھالانی رِد ءَ انی کمو ساری ٹرک کہ ڈیرہ مراد جمالی ءَ روگ ءَ بیتگ اَنت، ایف سی ءَ دشت کمبیلا مستونگ ھند ءَ آیانی سر ءَ تیرگواری کتگ چریشی ءَ ٹرکانی ٹائر ترکیتگ اَنت ءُ ٹرک ڈرائیور ھم ءَ تیر لگگ ءَ ٹپی بیتگ-
دمگی مردمانی رِد ءَ یک مردمے وھدے ٹپی ئیں ڈرائیور ءَ وتی گاڑی تہ ءَ مان کتگ نادُراھجاہ ءَ برگ ءَ بیتگ گُڑا ایف سی ءَ اے گاڑی ھم مستونگ ایف سی بُنجل دیم ءَ داشتگ آ لَٹ کُٹ کتگ ءُ گاڑی ءِ کانچ پروشتگ اَنت، ڈرائیور ھم دومی ٹپیانی ھمراھی ءُ نادُراھجاہ ءَ سر کنائینتگ-
وئیل ءِ ھلاپ ءَ ٹرک ڈرائیور ءِ زھرشانی برجاہ ءُ ایف سی ءِ ھلاپ ءَ کاروائی لوٹ کنگ بیگ ءَ اِنت-